25 | خمسة وعشرين - zap tharwat lyrics
“كلمات زاب ثروت “25 – خمسة وعشرين
[zap tharwat : المقطع الأول]
محبوس في دايره من الأوهام واليأس
بحاول اتحرر كل يوم مش عارف لا بأس
يمكن لما الناس تتعرف علي أحزاني
تفهم تقدر تصرفاتي افعالي وجناني
لا بقي كفايه كفايه كفايه تبرير
كفايه كفايه محاولات بائسه للتغيير
خلاص مش هسكت هتكلم بدعوكوا
للسماع هختم كلامي في النهايه بكلمه الوداع
قررت أسيب حياتكم واسيبلكوا المسرحيه
افرحوا بالاضواء والتمثيل والنجوميه
وهميه الدنيا اللي كلنا عايشين فيها
عارفين والغريب بسنانكوا متبتين فيها
انا عارف ان أنا مش أول واحد يتعرض لضغوط
ولا هبقي اخر واحد ياخد حياته بأيده يموت
مش كفايه طول اليوم نظراتكم ليا
بتجوني في فكري قبل النوم وفي أحلامي اليوميه
اسألتكوا بتنهش عقلي زي الضباع بتحوم
وازاي ألوم في ضبع كنت بأمره بالصوم
فا لو سألتوا هرد بأي كلام وأضحك عليكوا
بزعل لما تصدقوا الكذبه وتكذبوا عينيكوا
يمكن بتصدقوني علشان ده اسهل علي ضميركوا
بتسألوني مالك أنتم كتير وغيركم
بس عمر ما حد فيكم اهتم يسمع الاجابه
ولو فتحت قلبي ليكوا هتقولولي بلاش كآبه
فسيبوني أروح لعالم تاني اجمل من عالمكوا
أكون في وسط عالم أعلم بحالي منكوا
الوداع للقوم الكاذبين المدعين
لا تصطنعوا اهتمامكم كلكم مكشوفين
[hany el dakkak : اللازمة]
وحيد بس وحدي
وسط ألمي ومحنتي
نفسي ليكوا أقول وأحكي
تبقوا سندي وقوتي
وحيد بس وحدي
وسط ألمي ومحنتي
نفسي ليكوا أقول وأحكي
تبقوا سندي وقوتي
[zap tharwat : المقطع الثاني]
الوداع للقوم الكاذبين المدعين
لا تصطنعوا اهتمامكم كلكم مكشوفين
الكلام لمين لكل المستمعين وعلي لسان مين مراهقين بكره يبقوا كبار
قلوب صغيره بتعاني سرعه الاحتضار
ضغوط الأهل والمجتمع أثرت عليهم
زرعت فيهم مشاكل أبدا ما كانت فيهم
من تهميش صوتهم ودورهم فيمستقبلهم من أهلهم
معاناتهم لو اختلفوا عن مجتمعهم في فكرهم
ازاي بتلوم في طفل أنت السبب في تكوينه
بتستنكر وجوده بتذل فيه وتهينه
افعالك في الاساس هيا اصلا سبب المرض
لو مش عاجبك تربيته المفروض أنت اللي تتحرج
هرج ومرج جوه عقل الشاب اللى اتدرج
تحت تصنيف مكتئب عايش بيحلم بالفرج
الاكتئاب ده مرض مش حاله ولا موود
واصل لربع شبابنا بالأرقام والشهود
٢٥٪ من الشباب مكتئبين
بيعانوا امراض نفسيه وعن الحياه معزولين
٦٪ منهم بيفكروا في الانتحار
وارجع لكتاب اكتئاب المراهقين والاطفال
فمتربوش ولادكوا عالأوامر والتهزيق
متكسروش مقاديفهم بالكبت والتضييق
العنف مش بس عنف مد اللسان والإيد
العنف كسر النفس وتحويلهم عبيد
فا لو أنت نفسك مش متصالح مع نفسك
متجبش في الدنيا طفل في امراضك ينافسك
واعرف وافهم ان البنين زينه فتنه زي المال
فاللي معهوش فلوس بقي بيكنز في العيال
اللي غرقوا في مشاكل منشأها البيوت
انا مش جاحد لفضل أهلي ولا بدعوكواللعقوق
انا بوصل حقيقه مجتمعنا
مجتمع أملي وأملهم انه يسمعنا
[hany el dakkak : اللازمة]
مش وحيد بس وحدي
وسط ألمي ومحنتي
نفسي ليكوا أقول وأحكي
تبقوا سندي وقوتي
وحيد بس وحدي
وسط ألمي ومحنتي
نفسي ليكوا أقول وأحكي
تبقوا سندي وقوتي
Random Song Lyrics :
- cop killaz - criminal mafia cult (artist) lyrics
- a cobiça (part. joão carreiro e capataz) - luis carlos e fabiano rancharia lyrics
- crooked - clyde carson lyrics
- if homicide was an olympic sport - 8corpses lyrics
- pistol 1992 - durnikin lyrics
- heaven don't need you yet* - d4vd lyrics
- my favorite time of year - l.a. exes lyrics
- out alive - southall lyrics
- танцы без дела (dancing idle) - styleler lyrics
- цинично (cynically) - zero people lyrics