a b c d e f g h i j k l m n o p q r s t u v w x y z 0 1 2 3 4 5 6 7 8 9 #

van mijn groot verstand - willem vermandere lyrics

Loading...

‘k zijn ik geboren met een êndlijk verstand
nog voor jan dewild’ ha’k mijne wijsheidstand
nie zo maar eentje alhier en aldaar
mijn mond zat er vol van, ‘t is zeker, ’t is waar

‘t is niet te geloven zei de meester in schole
den dien speelt hier zomaar d’ eerste viole
‘k zijn ik onnozel met mijne groten diplom
ja dat zei de meester en dat was nie dom

en zo is ‘t gegaan in leuven en in gent
ja zelfs tot in kortrijk gеrocht ik bekend
‘k hèn al mijn proevеn met glorie deurstaan
ja zelfs in’t prikken was ik nie te verslaan

mijn vader was zot van kontentement
en mijn moeder was preus met zo ne student
zelfs ‘n keunink van brussel zei ’t an zijn maten
en zo had heel de weireld mie gauw in de gaten

willem, zei t’n, willem slimme landgenoot
kom in ‘t ministerie of belgië gaat dood
ne vent gelijk gie hèn wyder hier van doen
’k ga ‘k ik voor uw vrouwe wel commissies doen

ik maak u minister ter land en ter zee
en ‘k zorg voor nen job op de brt
maar ik schopte hem buiten, dat was opgeklaard
ie smeerde tevele siroop aan mijn baard
ne zucht van verlichtinge, genoeg voor vandage
komt den heilige geest daar nie binnen langs de kave
nen manke poot en zijn vleiren hangen sl*ts
awel god den here, gie ‘n heiligen duts

gulielmus, gulielmus, o carissime
en god de vader, hoe is ’t er nog mee
stijf goed en merci, waarover dat ‘t gaat
wel zie je gie nie dat de kerke vergaat

komkom menere den heiligen geest
da’ j’ gie verschiet, dat verwondert mie ‘t meest
‘t zin in d’ historie toch vul stommiteiten
en ‘t geen da’ j’ nu ziet, zijn maar futiliteiten

van pasters die trouwen, dat was toch hoog tijd
en kloosters die sluiten, is ‘t dat die u spijt
wat zeg je, de paus, dat ‘t ie hem deerlijk vergist
welwel saint esprit, is ‘t ooit anders gewîst

‘k hè hem dan de laatsten klucht verteld
maar hem ook heel goed nog zijn lesse gespeld
ie knikte van je op de langen deur
en ‘k zag het, ie kreeg al een veel beter koeleur

ie was weer aan ‘t kroppen, koekeroetekoe
ie sloeg al zijn vleiren weer open en toe
‘ hè ‘t altijd veel te serieus aangepakt
‘k zou beter af en toe ne keer vloeken dat ‘t krakt
sè mensen ge weet het en elk zegge ‘t voort
‘k hèt ik gezongen en gyder hè’t g’hoord
a’ j’ nie meer weet waarin of waaruit
kom dan bie mie, da’s je beste besluit

in uiterste nood zo komen ze bie mie
gisteren nog marc galle met een woordj’ of drie
herman andries hielpe ‘k ik van de grond
en ‘k leerde vlaams aan florquin, zijnen hond

- willem vermandere lyrics

Random Song Lyrics :

Popular

Loading...