a b c d e f g h i j k l m n o p q r s t u v w x y z 0 1 2 3 4 5 6 7 8 9 #

aber morn... - troubas kater lyrics

[verse 1: qc]
ja, i tröime viu
es isch mis wäse u mi interessiert vo angerne mönsche vorauem vo was si tröime
mönsche wo nid tröime sy für mi arm
mönsche mit viune tröim sy rych
teu nenne tröim oh visione aber das sy für mi verwaltigsrät
es git sehr viu verwaltigsrät
und ja i bi mer sehr wohl bewusst d-ss i es ungloublechs glück ha
mängisch schämi mi ab de pinleche problem, ab de ängscht wo üsi nachbare plage
i schäme mi für üses land u i bi dankbar derfür
i ha gmischti gfüeu weni id wäut usegah
und es git nüt woni lieber mache aus das
usegah
i liebe di diffuse näbubiuder wos git im herbscht
wi d hüglen im dunscht verschwinden und ar fantasie viu meh platz gäbe
i liebe dr gruch vom erschte höi im früehlig u vom früsche rägen im summer
i liebe das gfüeu we mer irgendwie warm wird
wüui urplötzlech e trieb vo freiheit gspüre
denn füehli mi so richtig bewusst
hie und ächt
i erfingen es spiu wo einsamkeit heisst
u finge när use, dases das scho git

[verse 2: qc]
i bi e morgemönsch
i cha mer nid erkläre wieso
i bi umzinglet vo zombies jede morgen u der einzig wo fähig isch dene kafi z’mache
i ha so komischi erinnerige a mini jugend wo mer unahgnähm si
wo mer immer wider i chopf schiesse i de unp-ssendschte momänte
i gloub drüber rede würd häufe
aber i wirden äuä nie drüber rede
werum? chani dir nid säge
das bi ig
i fülle easy e syte mit so gedanke während du geduldig dahocksch
u es würd mer nid i sinn cho dir e frag z’steue
aber morn…
morn dänki stundelang ah di
wüu dä ougenufschlag wo du denn gmacht hesch
oder di eifachi frag, aber wie se gsteut hesch
het i mir plötzlech viu bewegt
u i dänken ah di
aber äuä weisch es nid
das bi ig
i liebe di und s faut mer nid schwär di z’liebe
das isch vilech dr grund werum i ds gfüeu ha e guete mönsch z’sy
i gloub, i bi guet
–
itz isch grad s erscht mal woni bim schrybe gstocket ha
vilech bini mer glych gar nid so sicher aber da’sch ja äbe gloube
u weni stirben u mini seele oder wi oh immer aus afe dervoflügt u id sunne schreit
de hätti tatsächlech einisch rächt gha
aber äuä nid
und eigentlech ischs mer de glych gar nid so wichtig
wüu äben am schluss wüsse mer nüt
aber mir gloube
und obs gloubsch oder nid
das bin ig
u i weiss was mir wichtig isch
das bisch du

- troubas kater lyrics

Random Song Lyrics :

Popular