a b c d e f g h i j k l m n o p q r s t u v w x y z 0 1 2 3 4 5 6 7 8 9 #

schwigeminutä - tommy vercetti & dezmond dez lyrics

[verse 1: dezmond dez]
wo d’stiui ufhört faht ds spektaku aa
u jedi str-ss wird zum marktplatz da
verbringt me ds läbe uf der outobahn muess me ä ke parkplatz ha
wär raschtet roschtet, stiustand wird zum maku da
schlafe cha me de no lang gnue we me vo da ga muess
bis denn blibe mer wach, mache d’nacht zum tag
isch wachstum aus blibt d’maschine dür d’nacht lang aa
mir mache da lieber kreisbewegige aus keini me
bereise d’wäut aber kreise glich nur um üs säuber
au di wärbig isch nur wärme, wärchzüg zum verdränge
doch wi söui i däm lärme no irgendöbbis [?]
si übertöne üses dänke idäm si üs ablänke
vo däm wo würklech wichtig wär
doch chumm i am aabe hei bini so müed dases nichtig wird
stiui isch es chartehuus, du fingsch ke antwort i däm krach da uss
är redt der nume dini frage us
la der fernseh i der stube loufe weni elei bi
u scho ds handy mau nid abnäh git e illusion vo frei sy
si kennt mi, versteit mi, dasch der grund d-ss i se liebe
u au das liire entfrömdet meh aus einisch zäme chönne schwige
durloses glück, uhrlosi zyt
nid d’stummheit vom verliere sondern d’rueh vomene sieg
es isch ds fänschter zum gwinne, i hoff d-ss i se finge
di beschte täg sy nid di lütischte sondern di stiuschte

[verse 2: tommy vercetti]
schick mer e ke liebesbrief
zeig mer e ke liebesfium
spiu mer e ke liebessong vor (f-cking run)
lug i küss nid mit de ouge b-tch, figg nid mitem ohr
au dä pseudoromantisch p-ss isch nume sentimentale p-rn
und i wett nid immer rede mängisch möchti zäme schwige
doch sobaud mir stiu blibe schwige mir für üs elei
wo si einisch het öbbis söue säge het si gschwige
u i suech sit denn es lied wo di lääri cha füue
hüt fragt si mi am telefon werum bini nid blibe?
u ghört numen es echo ire glückleche hüue
ha dä lärm, au dä lärm, i säge nid es isch di wiue
doch i troue nume no wort wo me id stiui spricht
d’stiui isch so schön, lug wini schwige mit mim père
säg ihm nie d-ss i ne liebe, wüu i liebe niemer meh
stampfet sini zigi, stig i charre, las la blibe
s’chline [?] i schlaf gwieget, hüt fahrter mi i wiler
und i dänke wi mir fahre und i ds outoradio aalah
werum e b-tch nid cha begriffe was e zfridne aute maa cha
i säg nid ds thema sigs nid wärt, ds problem isch nöime angers
gloube liebi über aues aber lehre öbbis angers
solang arbet nur usbütig isch
bedürfnis kei bedütig hei
blibt liebi nur ablänkig wo notwändig zur entdüschig wird
i ha ne brief gschribe, si het mi elei i mire stube glah
über liebi muess me d’schnurre ha

- tommy vercetti dezmond dez lyrics

Random Song Lyrics :

Popular