a b c d e f g h i j k l m n o p q r s t u v w x y z 0 1 2 3 4 5 6 7 8 9 #

misunderstanding - سوء التفاهم - stromtrap lyrics

[المقطع الأول]
لازم أفش غلّي بشغلة هلأ أو بنجن
ما بدك تحكي معي بهذه اللحظة يمكن تندم
كنت بدي انبساط بس مش شايف غير احباط
دور فتّش لاقي أي نشاط تطلع من هل راس
الحياة كتير غريبة،
لمّا بدك تتنفس بدك تدفع ضريبة
مواصلات، اتصالات، أجار الشقة
عايش لسبب واحد عشان أقدر أطلّع حقها
مش صدفة، انا لاقيين حالنا بكل هل مشاكل
وحنضل هيك اذا ما بنتعلم نتحكم في المشاعر
أحسن تعمل اشي مفيد بدل ما تخلي طاقتك تنكبّ
تفتح أبواب جديدة بدل ما تخلي طرقك تنسد
بس اليوم هيك فايق منكدّ
ومن ايش بالزبط صدقني اني عنجد مش متأكد
يمكن الظروف الي عايشين فيها شوي بتأثر
بس مش حجة اني أبدأ أصيّح وأكسّر

[اللازمة]
كلو سوء تفاهم ومش أكثر،
كبّرها بتكبر صغرها بتصغر
كلو سوء تفاهم ومش أكثر
صدقني في أسباب أهم من هيك تخليك تزعل

[المقطع الثاني]
ليش بتطلع، ليش بتجحر ليش بتتمنيك
ضربة هون، ضربة هناك، الليلة حنكتشف مين أنيك
عشّني مش عارف أتفاهم مع أخوي
الحرية لسّا ما دقتها لو منركز طاقتنا
على نفس النقطة، ممكن نحمي حالنا من الجيش من السلطة
ومن الشرطة ومن أي حد بحاول يربطنا ويحكمنا
يوم ورا يوم النظام بخلينا أفقر
وأنت بس عم بتساعدو لمّا تعملّي حالك أزعر
هذا المجتمع تاعي والمجتمع تاعك
بس للأسف بطلت تحمي لأنو الاحتلال شراك وباعك
نازل بتهت عالعالم، بدك يعطوك أولوية
بحب أشوف وين بتتخبى لمّا بتدخل الدورية
فاعرف وين توجه طاقتك السلبية
بدل ما تكبّها على عائلتك وصحابك تذكر القضية
حلو لو نتوحد، حلو لو نقدر نتفىء
حلو لو في تفاهم، حتى لو لنتفة

[اللازمة]

- stromtrap lyrics

Random Song Lyrics :

Popular