a b c d e f g h i j k l m n o p q r s t u v w x y z 0 1 2 3 4 5 6 7 8 9 #

gheimnis - steff la cheffe lyrics

Loading...

[verse]
i begehr di vo wiitem
beweg di nid, bitte
i zeichne im geischt
mit bl!cke e skizze

i lis dini lippe
vrgiss mi, vrsinke
vrtröimt, i vrtrinke
i schwitze, i schmiuze

i lös mi uf
sowi ds iis i dim whisky
i wirde schwach
i schmachte, ergib mi

i mau mr us
mit fingerfarbe
wini dir
über d finger fahre

berüehre di nid
i dütes nur a
i tue nume so
i huuch dir is ohr
du luegsch mr i d ouge
i schtuune, i gloube
i schtirbe, i schpinne
i la di la gwinne

es git kes entrinne
du fingsch mi ja gliich
erinnere mi
a ds biud vo dim gsicht

läck du mir
i chläpfe mi
doch du chläbsch a mir
sowi tättowiert

[prechorus]
du bisch mis gheimnis
u kene weiss des
nume ig u villech o du

[chorus]
üsi liebi isch di schönschti
wöu mir üs nie wärde nööch si
doch im grosse u ganze
nur e roman, e romanze
sitze am bode mitme margritli
des hin u här macht mi no wahnsinnig
wo si di gottvrdammte schmärzmittu
sit i di kenne, hani härzgrippe

[verse]
i gseh di rouchschwade ufschtiige
bi wine rouchchrage*pullover
i haut mi bedeckt wi bim pokerabe
i cha mi nid offebare

drum schteu mr vor i mim chopftheater
wini dir über d chopfhuut fahre

meh ligt nid drin
erloub i mir nid
i getroue mi nid
di durchschoue isch schwirig

i schile, i schwümme, i schwärme für di
vrschon mi, vrschtah mi, i schäme mi chli
i schtottre, i schtammle, i schtagle wäg dir
i schtogle, i gheie, bliib hange a dir

i schtrande, vrschtuuch mi
ir brandig vrsuufi
vrdammti vrsuechig
i hasse u bruch di
vrnasche, vrfluech di
du schurke, du schluuchsch mi
du schlitzohr
du schuft erschtuunsch mi

[prechorus]
du bisch mis gheimnis
u kene weiss des
nume ig u villech o du

[chorus]
üsi liebi isch di schönschti
wöu mir üs nie wärde nööch si
doch im grosse u ganze
nur e roman, e romanze

sitze am bode mitme margritli
des hin u här macht mi no wahnsinnig
wo si di gottvrdammte schmärzmittu
sit i di kenne, hani härzgrippe

[outro]
du bisch mis gheimnis

u kene weiss des
du bisch mis gheimnis

du bisch mis gheimnis

u kene weiss des
du bisch mis gheimnis

i bi vrlore
bi vrschosse
über beid ohre

doch i heber mirs für schpeter uf
u bis dört häre chani eifach luege

- steff la cheffe lyrics

Random Song Lyrics :

Popular

Loading...