a b c d e f g h i j k l m n o p q r s t u v w x y z 0 1 2 3 4 5 6 7 8 9 #

7a nmoot - shi7a - شيحا lyrics

[انترو]
بتشوفني عم اكتب ليركس ليل نهار..ليل نهار
إلكاپو بيبعت بيت قلبي بينهار.. قلبي بينهار
بيتجاهلو وجودي.. كأني فشل موودي..
وعد مني يوماً ما ح افجر فيكن كلكن و تندمو و انا ما بخلف بوعودي

[فيرس 1]

هاد الوقت من السنة ياللي..
بتذكر كل نصيحة ابوي قلي..
ياها بعد ما سمعني عم غني..
بالصدفة اول مرة يوما سألني..
ان كان هاد هو اللي ناوي قضي عمري سويه!
قلي هاد البلد ما بيحترم فينا شي..
و ان كنت ناوي انك تاكل جوا حدودو روح ارشيه..
للبلد؟ سألتو! قلي : الله..انت ابني
ف أي شي بتبنيه ح يكون اقسى من اي شي بيبنيه..
أي حدا تاني..كل ما كرهوك عطيهن أغاني..
و كل ما نسيوك ذكرن بالثواني..ياللي فنيتا بحب و تفاني..
لتصنع موسيقى تتقارن ب معاني الحياة و الموت
ف جفني ك جعفر ما بسكر.. طول ماني قادر رح فجر..
أكواخ الطفولة ال عم تبنوها.. هاد حلمي.. ما اكتر..
ف صدقني.. ما فارق معي لو بتسبني..ما بتوتر..
لو بتحبني بتاكل همي مو لحمي و دمي اللي محطوطين بهالدفتر

[بريدج]
دافش داڤينشي ب لوحة رسمتا..
فيها معالم وجوه دفنتا..
تحت جلدي لو ما وشمتا..
ذاكر تفاصيلا كلا..
لو دارت الايام ممكن انسى..
اني اضعف من اني انسى..
كيف كمل طريقي و اقسى..
لو رح اخسر تفاصيلا كلا

[كورس]

كلنا ح نموت.. كلنا ح نموت..
و لساتنا ورود..و لساتنا ورود..
مهما نشد الزنود لو نشد الزنود..
مافي مردود..مافي مردود
كلنا ح نموت.. كلنا ح نموت..
كلنا ح نموت.. كلنا ح نموت

[فيرس 2]

جبلي مين يجابه هالافكار..
بلحق قطة ب ارض الدار..
لو بدي كرس كل الليل و نهار..
لو بدي فلس بيومين و انهار..
ما رح وقف لو بدي صير نكتة..
بلا ما صوب بقلبي بصيب سكتة..
ما بتلحقي لو تركد 100 ركدة..
انا ابن عز ولا بقلبي البيض يزبدة..
بلا يومين بلا 6 بجيبا بالعدة..
لو جاييتا الدورة طز ما رح هدي..
هادي موسيقتي كلكن ضيوف عندي..
هادي مدينتي نادولي العمدة
هاتوه لهون..للراس الكبير بيرجع مطحون..
لو طولك مترين بعملك نابليون
مافي حاجز بوقف طريقي إرادة ما بتسقط..
إيماني بذاتي بيمنع انها تعبط..
لو قاعد و صافن عم فكر بالقدر..
عم خطط كيف اوصل لو كلفني عمر..
لو بدا تحرقني حرارة مشاعر..
الكره و الوحدة بطفيا ب مشاعل..
وقودا قناعة باني ضل عم امشي..
لانو كلنا ح نموت ف ليش ما موّت كلشي؟
[بريدج]

دافش داڤينشي ب لوحة رسمتا..
فيها معالم وجوه دفنتا..
تحت جلدي لو ما وشمتا..
ذاكر تفاصيلا كلا..
لو دارت الايام ممكن انسى..
اني اضعف من اني انسى..
كيف كمل طريقي و اقسى..
لو رح اخسر تفاصيلا كلا
انسى كل الكون..
و انساهن كلن..
رو طفي هالتلفون و انسى..
لانو

[كورس] x2

- shi7a شيحا lyrics

Random Song Lyrics :

Popular