a b c d e f g h i j k l m n o p q r s t u v w x y z 0 1 2 3 4 5 6 7 8 9 #

defe2 - دفئ - seeka lyrics

مش ضروري بهل حياة تكون الأحسن
بس ضروري تكون منفرد بذاتك تسلم
كيف العلاقات بتنتهي بلمحة بصر
وكيف كنا قراب وفجأة بطلنا نسأل
مش ضروري، كم رواية كانت مخبية فيني
كم حب كم دفئ متمني يحميني
كم ساعه مرت من حياتي بفكر فيكي
كم ضو انطفى داخل هل جسد بعد م مشيتي
بس عفكرة، النهايات دايماً فيها حكمة
و مش كل شي راح حيرجع عندك حاول تفهم
مش كل شي سيء فعلاً سيء حاول تسأل
مين حمى كتافك وقت ما كنت عما تغرق
هاي سُنة الحياة.. هيك حكولي
و الجدران الي ما نكسرت هزت بصوتي
كمية سواد انكتبت ب لحظة خوفي
تنسنيش عند غروب الشمس بوقت موتي
تنسيش وقت الظلمه مين كان حولك
تنسيش مين كان دايماً عم بزورك
كان طيف او كان ضيف كان عم بكونلك
مين خسر ومين فاز مش مهم عندي دورك
مش ضروري، كل إختياراتي كانت غلط
كل سنه بأسم جديد وروح عم تنرفض
كلها طرق شمال فكيف حكمت اني غلط
كل درس تعلمتو كان مطعوم ضد المرض
كلها سعادة؟ اختياراتي كانت كلها إبادة
بين الراب و الشغل كان فيه إرادة
بين احلامي و الواقع كنت مشتت ضايع
تاكل خبز و وتكتب شوي كأنها كانت إفادة
مش منيح.. تسألنيش كيف حالي
وقت م كانت اغنيتي تهدي ع بالِك
وقت م جروحي انتشرت بالموسيقى
و كلماتي انباعت ع حيطان قديمه بوسط البالة
هو مجرد يوم و ما كان اخر شعور
كوني لي كوني معي كونيلي انتي النور
كوني الاصوات الي بداخلي كونيلي انتي الضوء
كوني الزوار الي بنستناهم ما بعد السور
اسف ع كل مره كنت فيها غاضب
ع كل مره تركت الموج يفور وغرق القارب
ع كل نسمه هوا ضاعت منك بدون فوارق
ع كل لمسه نسيت اني متيم فيها غارق
اسف لأمي الي ما شافتني بيوم ناجح
اسف ع كل التعب مني، كنت ضايع
اسف ع كل ذره عرق منك نزلت الي
واسف لاني ما كنت بيوم حيط سند واقف
اسف ع الطفل القديم ما اعرفتش اعيش
اسف ع الوجع الي تسببتو بحياتك ما تبكيش
انك تجرب تعيش حياتي مش حيكون مريح
ف تحكيش انك عارفني انت بتعرفنيش
مش ضروري، كنت بالعالم ادوارد سعيد
اسف ع كل مره ضعفتي فيها كنت بعيد
ومش حسب عل البلد ولا حسب الدين
ومش حدور تحت الكنب عن حلم كان بعيد

- seeka lyrics

Random Song Lyrics :

Popular