a b c d e f g h i j k l m n o p q r s t u v w x y z 0 1 2 3 4 5 6 7 8 9 #

xenofobie - samoerai lyrics

zien we nie ol wa xenofoob, wa angstig van et vreemde
et onbekende is voe iedereen van us e blinde vlek
woa da we vaker weg van bluvn, zoender wat op te bouwn
an kennis, mo we kiezen voe de kennis van e comfort zone

oj gin licht werpt up de zaken tast je sowieso int duister
en wa dat we nie zien of erkennen makt us justе
meer benauwd dervan, we vullеn et zelf in
adhv wa da anderen verkloaren, tzit gin zelf in

we doen mo zelden oenderzoek, we geloven
veelal wat dat us verteld wordt via media en schooln
mo die 2 dingn zien bevooroordeeld en nie afhankelijk
dus oe zoen z’us e just beeld kunnen geven van het “andere”
et onbekende, we en der ol soms schrik van
zo erg dat’t je verlamt toet psychologische stilstand
we weten nie oe dat etwadde go verlopen
en wa doen we, we cancellen, we geven us nie over

tis herkenboar, mor vaak geheel irrationeel
zit de angst olene in us zelvn, nie int tafereel
dat us benauwd makt, we projecteren et ernoa
dus zest vo da we en contact gemakt, ew e mening kloar

ol da normaal is wos ooit vreemd up e moment
100 jaar geleden gingk niemand geloven dat we zendn
en sturen nor andere mensen met e baksje in us andn
dat we direct communiceren met andern ut ander landn

et vreemde is upzich nie meer dant nieuwe dat em reveleert
en an us blootsteld, zo daw de kanse kriegn wa te leern
en te groeien, en leern is een onderneming
nie iets dat azo mo komt, mor ook e pijnlijke beleving

doarom da zovele mensen nie up zoek goan
mo in dezeste comfort bubbel leven, zolang dat et ze toestoat
basaal te functioneren is dat vaak meer dan voldoende
en bezien ze’t leven, oe beperkt dat is, als afdoende

dus at er tan iets nieuws up under radar komt
dan ze nog nie kennen, is da vaak e bron
van irrationele beschuldigingen en woede, gestart ut pure angst
voe etwa anders, etwa nieuws, et makt ze massas bang
nu dat we da weten, lat us under nie beoordeeln
mo helpen in et snappen, int begrijpen, in et oordelen
up e correcte wijze, want wat dak ik verstoan
is daj de angst van een ander noois go kunnen bestrijdn me hoat

dus oj weer iemand wat oort zeggen da je treft
weer e statement die up niet is gebasseerd mo enkel kwetst
volt ze toe nie direct an, mo tracht ze te begrijpen
woarom dan ze in die situatie no die woorden grijpen

en bespreek et in persoon, zoender daj ze berispt
of wilt de vinger wijzen, neen, tracht te komn toet e begrip
makt ze duidelijk dat er goan zaken zien voe an te wennen
mo dat er tijd en ruimte is voe ze rustig te leren kennen

- samoerai lyrics

Random Song Lyrics :

Popular