a b c d e f g h i j k l m n o p q r s t u v w x y z 0 1 2 3 4 5 6 7 8 9 #

me werkplekke - samoerai lyrics

Loading...

[chorus: samoerai]

kheetn je welkom in me werkplekke,
men atelier, int vertrek woa dak letters in de verf zetten
e kleine toeristische trip deur me gedachten
in de stilte van de nachten kuk et beste an me raps werken

[verse 1: samoerai]

eyo de meeste hedendaagse hip-hop tracks zien niemi funky
dus ik kletsen cl-ssics en ik voeln de high lik finsta bundy
kzien e junkie uppet vlak van woordenschat en niemand ku mie
up ander gedachtn briengn, ik doe me ding of nietn lukt mie

schrievn is e voorwaardelijk proces met echte hinderlagen
… je moe bewust zien van den inoed zest up minder dagen
die discipline zorgt ervoorn dak indruk maken
want de spanning is te sniedn ok in e cypher deur de cirkel zaagn

kerven me teksten up papyrus en up kleitabletten
flows vermenigvuldigen lik virussen bie aidspatienten
stapels vul met vulgeschreven perkamenten lappen
zien bezaaid over me vloer, der is gin plekke voe te stappen

me meur is heel bedolven oender teksten dakke schrappen
en probeersels, ideetjes, concepten dak betrachten
tis e letterlabyrint woar in dak af en toe echt letterlijk versmachten
e doolhof, e tempel van gedachten

[verse 2: samoerai]

wat da kik schrievn ej nog noois up e viool goord
e lyrische bolide ol van in tiede an de schoolpoortn
af en toe e pauze pakken omdat da bie tjooln oort
chillen up e banksje, rhymes droppn en we tjooln voort

de jeugdige maniere van leven wos leutiger
euren ge-euvel over die ki daj etwa mispeuterde
tgebeurde ossa wel etwa, dagen zoender verveling
en oenderbewust wos da deerste lage van me fundering

wie dak zien, e linguïstieke freak in ert en nieren
e sociale solipsist die juste menshn wilt pleziern
tegenstrijdig in mezelvn, ventileer ek me gedachten want me micro is e psychotherapeut woa mee dak klappen

… olene voedsel voe de geest woamee dakkik nog t’woord voeren
zest bie slichste oogst bluf ik lyrisch ossan voort boeren
… tis e verbintenis voe’t leven zoender trouwring
met wittebroodsjoaren woa dak leern oe dak flows bringn

[chorus]

kheetn je welkom in me werkplekke,
men atelier, int vertrek woa dak letters in de verf zetten
e kleine toeristische trip deur me gedachten
in de stilte van de nachten kuk et beste an me raps werken

kheetn je welkom in me werkplekke,
men atelier, int vertrek woa dak letters in de verf zetten
e kleine toeristische trip deur me gedachten
in de stilte van de nachten kuk et beste an me raps werken

[verse 3: samoerai]

kzoe moetn netwerken mor ik zien gin connaisseur
van social media en in me schult er gin verborgen nerd
mo tlukt me wel, want ik en de deurtrapthied van e prof coureur
me middelvingers steekek in de lucht lik oederwetse camionchauffeurs

ik wil me raps sterken
mo me kamer is e grote chaos oe moe kik nu oois go net werken
ik zitn in een individuele foase
woa dak meer en an e blad dan a wa virtuele moaten

me lyrics oedik visueel geloaden lik e paintballgun
ik loatn niemand etwa doen dak up men eigen kun
want kmoen nog zovele leren vodak mezelf e reize gun
en afschied nimn van rap, ookol eindig et up e heikel punt

…der is gin h–r die peizt van oois te stoppen
…tis lik of daj een oarend zoe willn in e kooitje doppen
ik en veels te wilde veren voe ze te nie te kun benutten
ik moe vliegen… omdakke der men energie ut putten

[chorus]
kheetn je welkom in me werkplekke,
men atelier, int vertrek woa dak letters in de verf zetten
e kleine toeristische trip deur me gedachten
in de stilte van de nachten kuk et beste an me raps werken

kheetn je welkom in me werkplekke
men atelier, int vertrek woa dak letters in de verf zetten
e kleine toeristische trip deur me gedachten
in de stilte van de nachten kuk et beste an me raps werken

- samoerai lyrics

Random Song Lyrics :

Popular

Loading...