hello? (live at hong kong coliseum 2021) - rubberband lyrics
[rubberband「h*llo? (live at hong kong coliseum 2021)」歌詞]
[主歌]
你說我讓你重傷 卻去到極遠逞強
no
我這裡獨個緊張 記掛你內心深處
怎麼想
[導歌]
或這麼看守總令電話生厭
沒響一聲 苦等幾天
[副歌]
如果等到 誰又先開口宣告
h*llo 講聲你好
或者擁抱 能令這缺憾圓好
可惜 no
觸不到
[導歌]
如反正我不想入睡想等你
又怎介意深宵響起
[副歌]
如果等到 誰又先開口宣告
h*llo 講聲你好
或者擁抱 能令這缺憾圓好
可惜 no*no*no
觸不到
[間奏]
[副歌]
如果等到 誰又先開口宣告
h*llo 講聲你好
或者擁抱 能令這缺憾圓好
可惜 no
觸不到
[尾奏]
這晚坐近這扇窗
遠處正遞送微涼
或那 是你的方向
[讀白]
大家好。係啦每一晚都係，係啦有睇過之前嗰啲都會係知道，可能都係估今晚係小弟定係泥生噉樣，噉今晚係小弟嘅。正正係因為一個關於「ciao」嘅音樂會呢，其實係自己特別多感觸嘅。我係一個面對離別好唔叻嘅人嚟嘅，一直响面對離別呢個課題上面係需要有好多人去 support 我啊，去體諒我啊，包括我啲隊友噉樣。係啦，正正講到呢個課題，係因為係啦我嘅媽媽，其實响舊年嘅三月就離開咗我哋啦。噉就，我唔知點解我會夠膽去做呢一個音樂會，啫係定呢個嘢都係好快就覺得：啊，係做「ciao」啦噉樣。噉甚至同寫文案嘅朋友，都係第一句落筆就係關於一啲生離死別嘅嘢噉樣。我自己仲經歷緊呢一件事，但係好幸運啦，我自己覺得好幸運嘅東西，係真係有—音樂係好神奇㗎，唔係賣廣吿啊，啫係點樣話自己夾 band 就話音樂好神奇。而係，响呢段時間我彈多咗結他嘅，噉當然啦都係麻麻哋吔吔嗚噉樣，但係好感激有音樂去讓我 go through 呢樣嘢，因為……其實我想講除咗音樂之外，係好勁㗎。啫係你睇套戲，或者其實—因為我都有朋友經歷緊呢樣嘢，噉啊我特別都想將呢首歌送畀佢，一位喺泰國嘅朋友叫 alan，噉佢媽媽都……噉啊因為我鼓勵佢就係話：「啊寫多啲，好似我」—啫係我自己好鍾意，有時啲朋友都話我無病呻吟，有時寫文啊，出 post 啊噉樣。但係我覺得係通過彈琴玩音樂好，寫一啲嘢出嚟去紀念翻一啲你好愛嘅人其實係一個過程嚟。我覺得呢樣嘢係可以同大家分享㗎。噉我自己應承過其實都會寫多啲關於我媽媽嘅嘢，噉啊係有啲寫唔夠多㗎我自己都覺得。因為有啲前輩，譬如我自己好尊敬嘅周耀輝老師同埋阿于于逸堯，其實佢哋都係因為同我分享過佢哋經歷過一啲媽媽嘅離去，係通過寫書、寫作品去讓自己可以經歷一件事。我自己覺得呢樣嘢係好大力量㗎，因為湊到你咁大嘅呢個女性其實喺呢個城市冇人會記得佢，噉唯有通過你寫低呢個嘢去記得佢。噉我係好希望呢樣嘢可以分享畀多啲朋友知，噉啊包括我泰國嗰個朋友。噉佢當然嚟唔到啦，噉但係我知道佢會睇到嘅。噉係呢度亦都好多謝2012年嘅時候有過呢首歌，呢首歌係我自己好鍾意，其實亦都係啊—當年係阿正寫啦。我同阿正，或者成隊 rubberband 都好鍾意一隊樂隊叫 mama’s gun 嘅，噉佢哋玩啲音樂就好開心好 funky 嘅。噉但係有一隻歌係好啟發到我哋兩個。其實係啟發到佢先，噉我覺得可以寫到呢個題材。噉但係偏偏呢個題材我自己一落筆，我已經就喊到爆我寫唔到呀。噉要好感謝一個人啦，就係當時未結婚啦，噉結咗婚就係我太太啦，啫係 tim lui 啦係啦，寫咗呢份歌詞。呢首歌好怪啊，啫係畀 mama’s gun 呢隊樂隊啟發，噉我哋叫做〈m.a.m.a.〉啦，啫係送畀我哋嘅媽媽噉樣。
Random Song Lyrics :
- postcard - oliver walker lyrics
- warmth of the soul - psychodead lyrics
- 그림 (picture) - song heejin (송희진) lyrics
- blessed in the name of jesus - carissa lyrics
- coming - ashnikko lyrics
- what do you want from me?* - knock monsterr lyrics
- mirror of reality - 현창민'hyun changmin' lyrics
- won't say - stbrn sal lyrics
- sunday scaries - vic fortenberry lyrics
- vom himmel in die hölle - ernstfall lyrics