a b c d e f g h i j k l m n o p q r s t u v w x y z 0 1 2 3 4 5 6 7 8 9 #

tout in haut de ch'terril - renaud lyrics

[couplet 1]
dins chés corons queu r’mue-ménache
chés mineurs vienn’t’ d’avoir leu congés
prenn’t’ leu valisses et partent voyager
a la campagne ou vir leu parinté
mi comme el’z’autes j’prinds mes bagaches
ej’ m’in vas mais j’quitte pont min pat’lin
j’vos du pays v’là l’manière que j’m’y prinds
sans débourser un sou d’train

[refrain 1]
ej’ p-sse mes vacances tout in haut de ch’terril
j’a toudis d’la chance ch’terrain i’est jamais pris
j’monte eum’toile ed’tente, j’vis tout seul, ej’ m’arrinche
ej’siffle, ej’ris, ej’cante, ej’sus heureux d’faire du campinche
je m’fais la popotte, j’vis bien miux qu’à l’hôtel
j’mets comme les cocottes du rouche à mes ortels
du haut dé m’couplette jé m’cros à chambéry
mais jé n’suis qu’au faîte tout in haut de ch’terril

[couplet 2]
comme point d’vue faut vir ch’que j’degotte
les bos, les prairies des environs
chés villaches, chés villes, nou corons
et je m’rinche l’œul cha n’me coûte pas un rond
sus min fu d’bos j’fais tout m’gargotte
viandox, peumes tierre frites, morcieau d’lard
et j’a monté trint’chinq lites ed’pinard
pour mi chucher in père peinard …

[refrain 2]
ej’ p-sse mes vacances tout in haut de ch’terril
j’a toudis d’la chance d’vir ch’que j’vos ch’est à mi
quand arrife eul’soir, ej’vos v’nir d’z’amoureux
i z’attindent qu’i fèche noir, mais mi je n’les quitte pos des yeux
i vont s’inlaçant, s’dijant des balivernes
tout in s’imbr-ssant dins chés blés, dins ch’luzerne
i’s font des papoules in s’app’lant “mon chéri”
et mi j’vos tout cha d’tout in haut de ch’terril

[couplet 3]
mais avant hier j’n’a pont eu d’chance
d’un seul cop vlà qu’i s’met à pluvoir
j’rinte à l’abri d’zous min perchoir
em’tente all pichot, ch’tot pire qu’un arrousoir
alors j’a poussé la romance
j’a sorti pour m’éviter l’cafard
et j’a fluté chinq six lites eud’pinard
in berloquant comme un pochard …

[refrain 3]
j’a dégringolé tout in bas de ch’terril
arrivé au pied jé m’sus rèl’vé tout meurtri
j’sais pus quo qu’j’a fait, j’avos tell’mint eun’cuite
a l’pache de m’barette j’avos sus m’tiête euch’codron à frites
a forche ed’bourler m’panche sus des caillaux
y a eun’certain’plache i m’in manquot un morcieau
j’y a mis un bout d’loque j’sus pos prêt d’ête gueri
et j’sus armonté tout in haut de ch’terril

[pont parlé]
alors’ pindant trente ans l’mineur-campeur il n’quitte pis sin cher terril
minme pinsionné il y va comme au p-ssé. seul’mint aujoud’hui i’est
malate, el’fosse all’l’a usé. i’est dins sin lit et les larmes aux yux in ravisant
à travers ech’carreau, i dit tout bas :

[couplet 4]
comme cha va vite comme eul’temps p-sse
au terril j’a campé bin d’z’années
a ch’t’heure i faut l’abandonner
jé n’sus pus qu’un viux mineur pinsionné
et j’n’a pus qu’des oches dins m’carc-sse
j’sus vieilli mes gampes sont ramolies
et de l’fermiète in étant dins min lit
in l’ravisant j’dis ch’est fini

[refrain 4]
j’mon’tra plus jamais tout in haut de ch’terril
fini désormais l’méd’cin j’l’ai ben compris
par quarante ans d’fond mes poumons i’ont quite cosse
l’poussière eud’carbon in appelle cha la silicosse
ch’est bétot min tour ed’partir comme tant d’viux
d’faire un long séjour là auprès du bon dieu
j’espère qu’i m’laich’ra quand j’s’rai au paradis
cor’ v’nir in vavances tout in haut d’min terril
j’espère qu’i m’laich’ra quand j’s’rai au paradis
cor’ v’nir in vavances tout in haut d’min terril

- renaud lyrics

Random Song Lyrics :

Popular