a b c d e f g h i j k l m n o p q r s t u v w x y z 0 1 2 3 4 5 6 7 8 9 #

bir neçə saatlıq - qaraqan lyrics

[giriş]
mən gedirəm bir neçə saatlıq
qapını bağla, qayıdacam birazdan, rahat ol
mən gedirəm bir neçə saatlıq
heç nə soruşma, axtarma, mənə zəng eləmə
mən gedirəm, qayıdacam bir neçə saata
hələlik nə istəyirsən elə, bu evdə rahat ol
mən gedirəm, bir neçə saatlıq
heç nə soruşma, mənə zəng eləmə…

[bənd 1]
mən gedirəm, bir neçə saatlıq
binanın damından son dəfə bu şəhərə baxmağa
ruhum yapışıb sinəmdən, qışqırır *azadlıq
gedirəm göyərçinləri səmaya buraxmağa
addımların ardıyca, kölgəm gəlir ardımca
yağış tökdükcə muncuqlar səpir bulud ovcuyla
göz*gözə qarşılaşdı ac canavar ac ovçuyla
gedirəm qanlı davaya öz gözümlə baxmağa
mən gedirəm, bir neçə saatlıq
tanrı uğrunda döyüşlərdə qan olub axmağa
ulduzlar yoxdur səmada, səmalar qaranlıq
ildrımlar işığında gedirəm içimi tapmağa
mən gedirəm və böyük iddiam var
kim deyir uça bilmir təyyarələrtək insanlar?!
necə ki, polad qanadlar gətirir tab küləyə
qartal caynaqları sancılır arxadan kürəyə
ayaqlar qalxır yerdən, bu olur tez və birdən
açılır qollar səmaya, burdan olmur dönmək
çırp əlləri, çapala, amma çatmır güc
mən uça bilmədiyimi anlayıram, ama artıq gec…
[nəqərat]
məni buraxın səmaya, olacam göyərçin
məni buraxın dənizə, olacam dalğa
məni tullayın alova, olacam qığılcım
məni buraxın payıza, olacam qarğa

məni buraxın səmaya, olacam göyərçin
məni buraxın dənizə, olacam dalğa
məni tullayın alova, olacam qığılcım
məni buraxın payıza, olacam qarğa

[bənd 2]
məni çağırırlar çətin xasiyyətli və soyuq insan
sükuta tab gətirmir, sevə bilmir, donur insan
mənim varlığım çoxlarıyçun olub dərd və cəza
əlindəki baltayla cəlladını yolur insan
mən gedirəm bir neçə saatlıq anlamaqçun
həyatıma kənardan özgə adamtək baxmaqçun
içimdə fırtınalar, zəlzələlər, burulğanlar
sizin nifrət içimə qığılcımdı, partlamaqçun
gedirəm axtarmaqçun, ürəkdən ağlamaqçun
diz çöküb öz qarşımda özümü bağışlamaqçun
gülərüz insanlar və bəyaz dişli tanışlardan
özüm tək bədbin və pis insanlara qovuşmaqçun
sən məni anlamaqçun ən azı olmalısan şair
məni bağışlamaqçun yəqin olmalısan allah
və əgər sən ikisindən heç biri deyilsənsə
götür istədiyin daşı, məni olar daşlamaq…
[nəqərat]
məni buraxın səmaya, olacam göyərçin
məni buraxın dənizə, olacam dalğa
məni tullayın alova, olacam qığılcım
məni buraxın payıza, olacam qarğa

məni buraxın səmaya, olacam göyərçin
məni buraxın dənizə, olacam dalğa
məni tullayın alova, olacam qığılcım
məni buraxın payıza, olacam qarğa

[çıxış]
bu nömrəyə zəng çatmır, telefon ya söndürülüb, ya da əhatə dairəsi xaricindədir…

- qaraqan lyrics

Random Song Lyrics :

Popular