a b c d e f g h i j k l m n o p q r s t u v w x y z 0 1 2 3 4 5 6 7 8 9 #

public enemy - phobia isaac lyrics

[المقطع الأول]
مالا آلاز في حياتي حبيت لافي تاع ليريش
اسكو مكتبة عليا نعيش زوالي حتان لقبر
يا يما وليدك ارتيست، ديفو في البلاد لي تحقر
كذبو عليك قالو عريان، كيف خبارهم لي نهدر
معطاليش هاذ الراب واش عطيتو من وقتي سيئات بقات تمشي
سكون سيال في محنتي، هاذ الليلة نضت ندمان نمت الغاشي في جنازتي
سمحلي ياربي وأغفر واش لفضت كلام السوء
في المعصية كنت نهجر هم الزنقة واش تقول
ناس عرفتني بموسيقى دارو في لساني الثيقة
ناس حسدوني في تسفيقة وتمناولي في الشقاء
شحال من واحد قعد معايا نهار لي طحت واحد ما وقف
نخاف هذاك لي ضحك في وجهي في ظهري راسو مالف
حامد ربي لواش عطى برك زمان لي يسيف
خلي ندّور ونتكيف ننسى الباسي ونتجيف
لحرام في قلبي مطيف مكاش لي يكذب عليك
خوك خوك ميغرك صاحب نهار العز يدورو بيك
نهار تضيق كامل تنسحب فوك الميليو تع ليشنيج
علاجال قارو يدير لعيب يا فيكم الخير مالقيتش
مشيتولي ب خصال الدين واش نحكيلك عالسكرة
دوقة دوقة لحق الصباح لي البارح كانت عذراء
ليوم تونٌس في التدراح ماشي جمال بسكرة شاف الرجلة في التبراح
هنايا غاع حلبو البقرة واحد فيكم مايصلح
كارهكم يا الشعب البارد ديتوهالهم للنسوان
ديك الحطة و ديك اللبسة تشوف العار بكل الوان
ماتبكيش على الرسول حنا قاع شدينا المزمار
شاعر مايدير واش يقول بار اكزومبل دموع اكرام
راجل خدام و مسؤول دراهم لغنا ماشي بنان
انا في حياتي درت الهول كيفاش في قبري نرقد كالم ؟
ماشي الحب الي عماني عشرة تاعي بمعاني
مانرضى لبنات الناس مانحبها لاختي تاني
مام عليا دورو و دورو تولو لكلامي
كي نموت قبري و تزورو يعشي بحال البيراميد
بالاك غالط في العنوان وشنو نهدر واش نشوف
قبل ماتسبق للعدوان صاحبي قدر الظروف
ماعنديش الثقافة كي ولات صاحبي بالميني
هنا باين لي يدي من هاد الرجلة يزيني
علاش نخسر ونطيح شكون ينفعني نهار نتخلخل
دموع يما جامي نطيح غير هيا لي تبقى تعقل
ونطالب بالحق المسلوب la révolte à la matoub
في بلادي بردت لقلوب حبيت نفطن محسوب

[المقطع الثاني]
حنا لي شفنا و كرهنا وهما حاكمين لي بيرو
حنا لي لازم نبدلوا القسمة نعاودوا مالزيرو
ايييه شحال بطات الشمس وانا زاهري دايم سواد الليل
فحياتي واش راني داير باش نعيش ضعيف عليه
ران كاره هاد لونفار تقنع غير ضحكت لعجوز
ياتخلها برضايتك يا نوضوا وحدة مالزوج
نهار يديني هاد الصوت القبة ندخولها مدلول
راهم حابين يحيوهالي بتهمة تحريض القوم
ماتحبوش لسان الحق تسلط عليكم الذل
نشاء الله غير هربة تصدق ما نركعش نموت قبل
مايهمنيش اذا فهموا راني صادق في نفسي
غدوة من رايهم ينغهموا ونعز الواقف في كتفي
عيشوا يا جيل بن شنات خرج عليكم النفاق
حنا لمساغر الي غنات من لمعيشة في ؟؟؟
حنا الريسبي لعلي بلحاج لي تاهمينوا بكلامو
عرة راجل فيكم مات سميتوه الشيخ نانو
شمينا فيهم اللوش التروليغ و يدورو
حنا لي يزيغي مانحبوهش فبحرنا يغرق بابورو
درت العيب و قابلت قابلوني باحترام
طلبت السماح و بادلت كيما قادروني لي مام
واحد مادرلي فالجيب خلوني نعيش حياتي
نعرف روحي واش نسوا تخصك دورة في ذاتي
ياك قولتهالك و نعاود دموع يما غاليين عزاز
طيح لي فان ينساوك ماتنفع لا شهرة لا بوز
لي برانسيب و الخسارة نتا رابر ولا غيشي
يالمشتاق استر عارك ماقصدنا الراب معيشة
شحال جرات مورايا الكومبا يسلكو غير دعاوي الخير
نهار قابلت بروكيرور فهمت بلادي كيفاش تسير
في بلاصتي واش راح ادير كي تولي يماك تسال
بكلمة وحدة راح دير دموعها في صدر كوميسار
ماتحكيليش على لي فان غير يما لي تحبلي الخير
دارو عليا قالوا خان ما داقوا العومة في البير

[جسر]
دزاير تخليك بين زوج يا الطكسي يا صطوب
كار الرجلة عندو اري فباب الحبس في بلادي
صحابي راحو بخمس سنين شكون لي بيهم صطاديي

[اللازمة]
شكون بيها يما انا نهار نطيح
شكون بيها يما انا نهار نطيح
نهار نطيح نهار نطيح شكون بيها يما انا نهار نطيح
نهار نطيح انا ماينفعني هاد الرول
شكون بيها يما انا نهار نطيح

[المقطع الثالث]
: يما مازالها وصايتك في راسي و انت هكدا قلتي
يابني وصيتك سوق الليل معوج
حبيتك ساجي على الخبزة تلوج
ماشي ديلور تروج ياك لمجرب يحاجي
الطريق هادي جامي تخرج
ادا هداك ربي يا بني خلي كلامي
في راسك الكبدة عليك حرقتني
يا بني تشفيني حالتك على الدولة شايد اتو
سبق خطوة في قبرك لي سبقوا قبلك ماتوا
ماكاش لي يجيب خبرك شحمة وكلاها سيامو
ادا نسيت باباك يفكرك الناجس ما يجوز صيامو
يد الذيب جامي تفكرك دموعي في شط لسانك
ماتخلي الدار حزينة شوفني وسغس ميزانك
زيتنا في دقيقنا لينا نهار لي يطيحو المصايب
لي يرفدهم ما صايب نلقاك في كتفي حايب
باباك كبير و شايب ياك عين الناس لي تحقر
وفقرنا ما ديرو عيب خليها لربي واصبر
واتسبب بالاك تصيب يابني نعرفك راجل
توضئ واحكم القبلة ماتدري غدوة الاجل
فعل الخير هو الغلة

[أوترو]

- phobia isaac lyrics

Random Song Lyrics :

Popular