weakness of faith | ضعف الإيمان - oyaji lyrics
[oyaji: المقدمة] (x2)
تفكيرك وين
كل ما صابك شين
قلت هذي أكيد عيون البعض وعطتني عين
[kani: المقطع الأول]
شيٍ يحير ليش الناس كذا صاروا
الكل يفتي من مخه ومن القدر استعاروا
محدن حاسدكم ضعف إيمانكم لاعب فيكم
خلا مخاوف حياتكم تجيكم تحتويكم
الكل يتجمع سوالف قعدتكم كلها حسد
لو هنا الكل محسود فالدنيا ما بيتم احد
انقلع زين حتى لو كح قال جتني عين
خوفكم مستوطن فيكم بيتم ساكنكم للأبد
فهمني بالله حضرتك بس على شو محسود
ثروتك أو املاكك او لانك حامي الحدود
كلها وساوس هذي عقدتكم فحياتكم
معقولة الكل منتظر مترقب ساعة مماتكم
لو صار لك حادث لا تحسب سيارتك محسودة
يمكن لو ما صار الحادث تنتظرك حاجة سودة
لو كنت تمشي فجأة طحت لا تخلي الحسد عذر
يمكن لو ما طحت هنا قدام راح اتطيح فقبر
[dj.rock: اللازمة]
هذا دليل أن ضعفك يسكن حتى بإيمانك
ما راح يصيبك أي شي ألا ما كتب ربك
الناس صارت ما تؤمن إلا بخير القدر
يا خوي يا خوي
بالصبر دايم يقوى إيمانك
[oyaji: المقطع الثاني]
اي والله بالصبر يقوى الإيمان
وهو مفتاح الفرج والأمان
أصبر ففي الصبر طاعة للرحمن
وترويض لنفس المؤمن إغاطة للشيطان
توكل على الله في سائر أمورك أمشي بنور الله لا تمشي بنورك
وإن صابك شي وهالشي ما كان محسوب ثق تماماً ياخوي أنه مقدر لك ومكتوب
العين حق نؤمن بها كمسلمين
الله يكفينا شر كل الحاسدين
لكن اللي يربط كل سوء يجي بيها
يجزع ويتأفف هذا ضعيف دين
كل اللي عليك تسويه تلتزم بالدعاء
وأقصد بالدعاء أذكار الصباح والمساء
وقتها ما راح تصيبك أي عين بإذن الله
دامك متحصن والتحصين فضل من الله
[dj.rock: اللازمة]
هذا دليل أن ضعفك يسكن حتى بإيمانك
ما راح يصيبك أي شي ألا ما كتب ربك
الناس صارت ما تؤمن إلا بخير القدر
يا خوي يا خوي
بالصبر دايم يقوى إيمانك
[kani & oyaji : المقطع الثالث]
وش رايك في اللي يقول سبب رسوبي عين الكل
وش رايك فاللي يفتي ويقرر ويكمل وما يمل
هل معقولة الكل محسود معقولة دام صار المجتمع من شدة وسواسه ما قام ينام
الكل هنا صار بو العريف يعرف من يذكر الله
حتى لو قالوا كيف حالك قالوا له قل ما شاء الله
شف غيرك عندهم كنوز ما قالوا كذا
شوف البعض من عين نفسه صار يصيبه الأذى
الواحد لازم يرضى باللي ربي كاتبه عشان يسعده ويعلي مراتبه
اخي الحبيب مهما صابك ثق بربك
ينير طريقك ويغفر لك ذنبك
وكل ما صابك شي قول لعله خير
ما تدري اليوم ضيق بكرا غير
لا تجزع من رحمة الله إيمانك خله قوي
ربك ما راح ينساك ثق بذلك يا خوي
[dj.rock: الخاتمة]
هذا دليل أن ضعفك يسكن حتى بإيمانك
ما راح يصيبك أي شي ألا ما كتب ربك
الناس صارت ما تؤمن إلا بخير القدر
يا خوي يا خوي
بالصبر دايم يقوى إيمانك
Random Song Lyrics :
- 60 seconds - rdg carson lyrics
- el angel eres tú - nevo angel lyrics
- kiwi. - yomiho lyrics
- 29 freestyle - poori lyrics
- athletics day - playlunch lyrics
- i hate love - pub records lyrics
- i feel deadd - diegointhedark lyrics
- lavender blue - the merseybeats lyrics
- my own scenegirl ˃.˂ - 1stress lyrics
- ghoul you a savage for this one - ynkeumalice lyrics