kam wahed - ossama el hamdany lyrics
كام واحد من كتر همه ساب حلمه اتنهب
كام واحد من اللى عمله على نفسه اتقلب
بس كام واحد رسم لغيره مليون درس وامل
وكام واحد كان الاجابة بسؤال ايه العمل
قالوا اللى يصبر كل يوم اكيد هينول
انا اللى صابر واللى عارف انى مش مسئول
عن اختيار زمانى
عن اختيار مكانى
عن اختيار اسمى وصفاتى
حتى ان كان كيانى
وقلت بين حدود خيالى كلام كتير
و ياما هرسم بنفسى احلى نفسى و اجمل ابتسامه
لكن خيالى مش مطاوع يمسك القلم يكتب و يرسم
ينطق يقول اللى اتحلم
ضيق الظروف و المكان اثر على الخيال
خلى خيالى خالى
فاضى من اى احتمال
دخان و شفت فيه معانى كتير
لاحلى راحةابواب كتير بتتفتح
لكنى و بصراحه خفت الغيامه تبعد
واخسر الدنيا الجميله
وارجع لحالى اللى كارهه
وشخصيتى البديله
ففضلت ماسك فى السيجارة
حابب اللى فيها
وعرفت كل حاجه حلوة فى الدنيا بعديها
متبقاش ملك حاجه
احلامك ليك محتاجه
خليك واعى وامسك الزمام
حقيقتك هى نورك
وضلك جوه زورك
متهربش من قيودك بالاوهام
واحدة واحدة كل حاجة بدأت بالظهور
شفت الحقيقة نورها واضح كاوى للعيون
اخترت دنيا كل حاجة فيها كذب مش حقيقة اخترت ناس رغم زيفها كانت صديقة
وفضلت بحلم بالسعادة جوة حقيقة مرة
وفى قلب كل لحظة سعيدة صرخت كل مرة
انا اللى عارف انى بكذب لكن مصدق
انا اللى شايف صورة ليا جوة عينك بغرق
لكنى مش هسيب حياتى بايدى تتهدم
خلينى واعى جملة تتسمع وتنسجم
مع كل فكرة كانت فى بالى هكون طاردها
مع كل لحظة من حياتى ندمان فايتها
لازم ماتستغناش عن حلمك عن مكانك
حاول ماتستناش ايامك محتجالك انا اللى كنت الدرس اللى صبح نور الامل
انا اللى كنت الحل لما اتسال ايه العمل
متبقاش ملك حاجه
احلامك ليك محتاجه
خليك واعى وامسك الزمام
حقيقتك هى نورك
و ضلك جوه زورك
متهربش من قيودك بالاوهام
Random Song Lyrics :
- generate (kölsch remix) - eric prydz lyrics
- löschen9 - löschen lyrics
- what's beef - stylz the artiste lyrics
- ambitionz az a ridah (west coast classics) - 2pac lyrics
- a couple seconeds - slm lyrics
- the pessimist - pryti lyrics
- different place - stvcks & dim wilder lyrics
- houses made of stained glass - july for kings lyrics
- time's up - song suffragettes lyrics
- woke up - nillo lyrics