a b c d e f g h i j k l m n o p q r s t u v w x y z 0 1 2 3 4 5 6 7 8 9 #

nuddu è di nuddu (e nuddu m’avi) - olivia sellerio lyrics

Loading...

nuddu è di nuddu e nuddu m’avi
ma m’impristavu a tìa
e ti facisti chiavi e cruci e mala vuci c’abbannìa

dissiru ca l’amuri è allibbirtari
e m’insirrasti ’a via
ma nuddu m’avi, nuddu m’avi, nuddu m’avi, nuddu m’avi e nuddu mi patrunìa

tu raggia c’annorba e ferru spinu
l’aria un si catamìa
e li to manu su deci marteddi e la taliàta ’na malìa

tu ca m’annagghi e annivi li pinzeri
caloma chiami amuri
ma nuddu m’avi, nuddu m’avi, nuddu m’avi, nuddu m’avi e nuddu mi supranìa

e ora lu cielu fussi da me parti
canciassi l’aria, canciassi li me carti
vintiassi p’allascariti ’i mìa
e vintiassi pi sciusciariti via

fuju ca lu duminiu è un chiovu finu
spina di bramusìa
ora ca m’arruspigghiu, curru e sghiddu
tu chianci a mìa
nuddu è di nuddu e nuddu n’avi
e si l’amuri si fa gaggia va
ca nuddu n’avi, nuddu n’avi, nuddu n’avi, nuddu n’avi, e
nuddu m’avi, nuddu m’avi, nuddu m’avi, nuddu m’avi, nuddu, ma
tu avisti a mìa

- olivia sellerio lyrics

Random Song Lyrics :

Popular

Loading...