a b c d e f g h i j k l m n o p q r s t u v w x y z 0 1 2 3 4 5 6 7 8 9 #

18 sana | ١٨ سنة - nubi lyrics

[المقطع الاول]
انت في السم باخخ وأنا عالقمة بزحف
في الحلم ناجح بس في الواقع بفشل
وسط ضغط لازم أبقي صابر أجمد
وسط سباق ارانب ابقي الاذكي واسبق
طول عمري عارف إن لحظات الفشل واردة
بس معرفش إنك ممكن تكون لكلاب السكك وجبة
المعرفة بوقت وانت صغير فخد وقتك
فاستنتجت انه عالم فاشل وانت ميت حتما
مغيب مش مهيأ بس الدماغ شغالة
بطز الشهرة مقابل إني اشوف صحاب رجالة
والايام ميالة بحكم تورينا أشكال كذابة
الصحراء فاضية يا جدي ومفيش فيها خيالة
التراكات مكتوبة بس الاصوات مكبوتة
الشباب مظلومة بس الحلول موجودة
روح حك في حد تقيل سابقنا واعرف منه كتير
أو بيع روحك للشيطان وساعتها هتبقي نجم الجيل
مش حابب اعمل كده، مش عايز احك في حد
خلاص براحتك شخشخ جيبك وفلوسك الحل
مقابل الموهبة حلمت بيها ديون ضرايب
ادفع فلوس كتير هنقول فيك اشعار قصايد
كلامي لعالم قذر ومش بحاول أهاجم فئة
أنا واحد الكتابة بالنسباله زي الغدا
موهمين بعرض، ومبهورين بخدعة
الناس مخدوعة في اراجوزات بيمثلوا بحرفة
[اللازمة]
بنحط راسنا علي المخدة
جوانا هموم ومحدش سامع
دي مدينة عايزه زقه
محدش فيها كان بيسامح
بنحط راسنا علي المخدة
جوانا هموم ومحدش سامع
دي مدينة عايزه زقه
محدش فيها كان بيسامح

[المقطع الثاني]
ايه يا نجم فينك
الشباب بتبطل ليه
مش هترد طبعا وفاكرني بسعي لشير
حبي لیك ده عادى وعمری مکنت بسعى لشيء
قولي ليه عشان اتنجم امشي عكس السير
افكني من المزيكا الي المفروض بيها اثبت
اطلع لايفات بكترة واقعد أسب واشتم
أغسل عقول الناس بكلمة وأعقد انافق واكدب
مش بنكش حد، أنا للحقائق بسرد
الناس مابقتش تشوف شكل جالها ضعف نظر
لو كانت سايدو مانيه مكنش كل الي حصل حصل
بقف في الشارع وقت الحظر
وبدعي الزمن يتغير
محدش فيكو اداني عذر، محدش قال دا صغير
كله علق المشانق، كله قرر يدبح
اتخانقتلي بالكذلك ووقت الجد كنت بتخلع
أهلا بيك انتا جديد وشكلك داخل سخن
شرس نفسك من اولها وخلي عندك لؤم
بعد الساعه 12 سؤال، بعد الساعه واحده مجاوب
هو دا نفس الشخص الي كان زمان بيباتل
هو دا نفس الشخص الي كان زمان بيكافح
كاره للمامبل راب وللأولد سكول بيدافع
من السيركات والشوارع، عارفين نوبي من الفيرسات
وسط الغابة غدارين، عرفت الخ** من السندال
زي التور الهايج جاي ينطح كل البقر
واقف في الشارع بصرخ
ومش سامع غير صوت الصدي
[اللازمة]
بنحط راسنا علي المخدة
جوانا هموم ومحدش سامع
دي مدينة عايزه زقه
محدش فيها كان بيسامح
بنحط راسنا علي المخدة
جوانا هموم ومحدش سامع
دي مدينة عايزه زقه
محدش فيها كان بيسامح

- nubi lyrics

Random Song Lyrics :

Popular