a b c d e f g h i j k l m n o p q r s t u v w x y z 0 1 2 3 4 5 6 7 8 9 #

shokran - mtm (rap) lyrics

[كلمات شكراً * إم تي إم]

[المقطع الأول: مايكي]
يوم رمادي مالوش ملامح
صاحي مقريف مش مبسوط
الباب خبط قمت فاتح
ولقيت تاكي شايل كتكوت
الظاهر إني لسه نايم، رحت قايم وأنا مخضوض
برضه اليوم مالوش ملامح زي إمبارح مش أسلوب
فواتير كتير وفلوس بتطير
مشاوير طوابير زحمة وتأخير
مافيش ضمير ومافيش تقدير
وبقالي شهرين في رچيم جرجير

[اللازمة: تاكي]
واللي مهون عليا هي الصحبة الحلوة ديا
عشرة سنين، دول صحابي اللي قاطعين
اللي عارفيني وقاريين
فاهمين بعض وبيننا سيم
واللي مهون عليا هي قعدتنا الفقرية
شكراً يا حبايبي، يا شوية مجانين
شفت معاكو أيام حلوة وبرضه أيام زي الطين
تسلموا يا حبايبي
شكراً يا حبايبي

[المقطع الثاني: مايكي]
يوم أجازته وقاعد سارح
وما صدق في يوم هيروق
أمه قالتله قوم يا فالح
هات من خالتك الصندوق
وإنزل على السوق هاتلنا برقوق
وفلافل بس أوعى تدوق
والبهارات من عم فاروق
هات جدك بس أوعى يسوق
طلبات طلبات طلبات طلبات
صاحبتي هرياني تليفونات
دماغي ضربت زي الخلاط
فين أيام المغامرات
[اللازمة: تاكي]
واللي مهون عليا هي الصحبة الحلوة ديا
عشرة سنين، دول صحابي اللي قاطعين
اللي عارفيني وقاريين
فاهمين بعض وبيننا سيم
واللي مهون عليا هي قعدتنا الفقرية
شكراً يا حبايبي، يا شوية مجانين
شفت معاكو أيام حلوة وبرضه أيام زي الطين
تسلموا يا حبايبي
شكراً يا حبايبي

- mtm rap lyrics

Random Song Lyrics :

Popular