ew3a weshak - mtm (rap) lyrics
[كلمات أوعى وشك * إم تي إم]
[المقدمة]
تعالوا معايا أحكيلكوا حكاية
ليها بداية، مالهاش نهاية
[المقطع الأول: مايكي]
أنا إسمي مايكي
شعري سبايكي
تيشيرت أي حاجة وجزمة نايكي
كل البنات بتموت عليا
بس أنا مصاحب مش بإيديا
إكتبي إسمك في اللستة ديا
يمكن يجي دورك المرة الجاية
أنا دلوقتي رايح مشوار
“رايح فين؟”
لأقرب بار
في بنات أجسامهم نار
أشرب وأعمل أحلى حوار
طول السنة أنا ماشي بطريقتي ديا
عشان كدا بسقط في الكلية
وأهلي عاملينلي قضية
وأنا مش ناقص مشاكل عائلية
هبطل كل حاجة وهبقى مية مية
وهشجع الوحدة الوطنية
[المقطع الثاني: تاكي]
أنا بقى تاكي
بلبس باجي
بحب أعيش حياتي بمزاجي
“جاي الحفلة؟”
أيوة هأجي
بس مش هينفع أرقص معاكي
عشان هتبقي جاية مع أخوكي
وهيروح يسيح لأبوكي
هيبهدلوكي وهيضربوكي
مش بعيد كمان يطردوكي
وأبوكي واصل هيحبسني
وفي القسم ينسوني إسمي
أطلع مش حاسس بجسمي
وأقول شوفولي حد يجبسني
تاني يوم أقرر إني
ما أصاحبش أي بنات من سني
وأقعد أدعي يا رب إنقذني
بأي واحدة غنية تتجوزني
[المقطع الثالث: محمود]
“إسمك ايه؟”
إسمي محمود
لو في بنات، تلاقيني موجود
مش ممكن تتصور إزاي بحور
بس مشكلتي إني بتهور
ليلة إمبارح كنت على النت
قاعد أحور كالمعتاد
إتعرفت على واحدة بنت
وخدت منها النهاردة معاد
لبست تشيرت وجزمة كات
ومستعد معايا كاشات
أحط چيل لأ ألبس كاب
ونزلت جري وسبت الباب
وقفت شوية، لقيتها جاية
بصيت عليها قلت إستحالة
لابسة شبشب وجلابية
دي حقيقة ولا إشتغالة
جتلي حالة غير عادية
وطلعت أجري على العربية
بصيت لقيت عجلة مهوية
والبنت جاية بتجري عليا
نطيت في تاكسي رحت على البيت
أقنع نفسي إني نسيت
ومن يوميها وأنا قاعد أذاكر
“ذاكرت إيه؟”
والله ما أنا فاكر
[النهاية]
أوعى وشك
أوعى وشك
Random Song Lyrics :
- prolln - al kareem lyrics
- deathcab - ditty (india) lyrics
- unstoppable force - the unthrowboxes lyrics
- el final - jaime r. echavarría lyrics
- bailalo - kidd lyrics
- demands (outro) - pope jksn lyrics
- ken jou waarde - early b lyrics
- no reality - evan wheel lyrics
- sad! - scienceos lyrics
- vstwomelody - renlay keef lyrics