ana shab - mt3 music lyrics
انا شاب
زى زيك بظبط
حبيت وارتبط
بس منين افتح بيت وهو كدة جيبى ملط
مسكت شغل ركنت القلم فحسيتنى شطبط و
مع الهموم مطلوب اكون مبدع
اكون مؤمن إن ف يوم اكيد هكون مقنع
كفايا للناس انها تسمعنى اكتر و اكتر
وافضل اطلع سلم النجاح ده افضل اكبر
بس منين اجيب وقت اضخ طاقتى فى الحبر
مربوط غصب بالشغل.. ببقى شارد الذهن
بكتب البوم من غير ما ياخدوا بالهم رابر ف السر
وإتحول الطموح لسجن يقل الشغف بالسن
وكله غصب عنى.. لإنى مضطر
لا يفوتنى القطر يفيد بايه الرسم على الرمل
طول ما النحس قرر يلازك شخص لا مفر
غير ابان كانى اخترت واخفى انى مجبر
لكنا بنمل نبقى
فى وضع افضل غير ده
عكس غيرنا بنسعى
الشمس نورها فى اخر السكة
هنكون شايفينها
لو يوم كملنا
لو مين كان بينا
لو يوم امنا باللى اخترناه احنا 2
انا اتخنقت زى زيك بظبط
امتى يكونلى جمهور فا اقدر اقول انى ظهرت
ويبقى ابويا فخور باللى حققتة لكن ادركت
انى استعبطت ف فتله اتشعبطت
وسط عمى كتير.. كنت نعمه ع الارض
بذلت اقصى ما ف وسعى عمرى ف مره وفرت
كل ده لتحقيق حلمى وقعت عادى و قومت
طلعت انادى ع المجد لكن محدش بيرد
وتشوفنى مكفى ع الوش و ف عينى نظرة
إنى هقوم غير كده لا يمكن ارضى
مهما كانت معاندة.. مهما جت كورى ف العارضة
مهما الناس سعو و وسعوا للأوانطة
و مش هكسل لإن عمر ما الهروب كان حل
مين قال انه سهل.. انت تطلع جبل
الفكرة إنى قدمت اى شكل
وزى مانا جوهرة ف الوحل
لكنا بنمل نبقى
فى وضع افضل غير ده
عكس غيرنا بنسعى
الشمس نورها فى اخر السكة
هنكون شايفينها
لو يوم كملنا
لو مين كان بينا
لو يوم امنا باللى اخترناه احنا 2
انا شاب.. بس مش زيك بظبط
بالمزيكا ارتبط
إختلفت عن الكل كت مرايا فيها شوفت
نفسى كبير حلمى كبير قيمتى اكبر بجد
حلمت قالو خرفت
كدبنى الكل و اللى صدقونى كانو كام فرد
خلوني أكمل فى طريقي ده كإنه كان فرض
ثبتو رجلى ع الأرض
فا احلف إنى هكون الأعظم واهو بنفذ الوعد
بس مفيش مقابل مادى يسمحلى اطور من نفسى
مع الوقت خلص حبرى بعبى الأنابيب بدمى
فا.. هعلم ابنى.. ميحلمشي
يعيش الواقع… ميغلطش زىي
ودلوقتى.. عرفت سبب رفض والدي
إنى اطارد احلامي إنى اكون مصدق نفسى
لان الدنيا مش وردى ولانه انسان زيه زى
بمعنى.. اكيد كان عنده حلم قبلى
لكنا بنمل نبقى
فى وضع افضل غير ده
عكس غيرنا بنسعى
الشمس نورها فى اخر السكة
هنكون شايفينها
لو يوم كملنا
لو مين كان بينا
لو يوم امنا باللى اخترناه احنا 2
Random Song Lyrics :
- uzmi stanu mili sine - sofka nikolić lyrics
- threshold - hannah mckittrick lyrics
- final breath - master dy lyrics
- second attack / the final battle - the les misérables 10th anniversary cast lyrics
- vivir así es morir de amor - los ángeles de charly lyrics
- vino - métricas frías & deejohend lyrics
- cops and robbers (juliattack remix) - juliattack lyrics
- türk - vaddur gadeşo lyrics
- løfte - kari svendsen lyrics
- koronin kari - manu sissoko lyrics