a b c d e f g h i j k l m n o p q r s t u v w x y z 0 1 2 3 4 5 6 7 8 9 #

hous dir zrüg - mq lyrics

[verse 1]
füuhsch di feschtgfahrä
z`schwach fürä charä usem dräck ziäh
stramplisch dürä schlamm
aber ohni chraft chunsch du nid wäg hiä
muesch energie tankä für d`expedition i dis innerstä
la di nid vo denä schiuder la bländä
de fingsch dr wäg, ou im finsterä
wärbig macht chrank u d`sändigä zwüschedinnä blöd
muesch di nur paar jahr la länkä und dis wüssä isch zerstört
bisch nid grüschtet, hesch di nid gwehrt
ghofft es chunt de vo allei
doch z`einzigä wo vo alleini chunt
isch dr momänt i däm du geisch
bis den wosch di la trybä und betrybä und ga fyrä
und nid ygseh, was p-ssiert, we das für immer so wird bliibä
gloubsch no anes wunder, drum ruumsch z`zimmer o nid uf
scho ungloubläch lang am bouä aber hesch immer no kes hus
z`naiv zum begryfä, d-ss aues konsequänzä het
nach 10 jahr längsch dir a chopf
und fragsch di was dir dänkt gha hesch
wes ändlech gsesch, hesches wenigstens glehrt
dasmä ufm wäg zur sunnä wird erblindä, wemä nid chehrt

[hook]
scho gnuä lang vom sofa is läärä gstarrt
drüber dr chopf zerbrochä was no wärdä cha
ersch wemä loslouft fougt ä wärdegang
hou dir dis läbä zrüg solangs no säuber schaffsch

[verse 2]
hesch di gnuä lang la trybä i däm fluss
häb di pfuuscht iz id luft oder schlah se dir ufd bruscht
gang nid hei oder kaputt, nei, es bruucht nur inneri heilig
und irgendeinisch wirsch du frei si vo däm druck
du versteisches wed chly luägsch
immer hinger diä f-ssadä blicksch
o we dinä nid di troumbruef isch
bringt är dir glych erfahrig mit
solang bis är di uffrisst, kenä isch ewigs bissfest
vorauem wemenä numä usüebt, das me z`ässä ufem tisch het
jedes business isch stressig, vilech isch ja das dr grund
das mittlerwile immer meh i zimlech herti phasä chunsch
starrsch ufnä punkt, meinsch das d`klarheit mau chunnt
aber solang dis läbä di zeichnet blibsch entarteti kunst
diä isch schutzlos vor macht, we dr frust di grad packt
wird di dargeboteni hand schnäu zur rustblachä gmacht
chunsch nid furt ohni p-ss, s`brucht ä wurzlä zum ast
es git ke grund für das glabber, es zeut nur wasmä schafft

[hook]
scho gnuä lang vom sofa is läärä gstarrt
drüber dr chopf zerbrochä was no wärdä cha
ersch wemä loslouft fougt ä wärdegang
hou dir dis läbä zrüg solangs no säuber schaffsch

[scratches dj rapaze]

- mq lyrics

Random Song Lyrics :

Popular