a b c d e f g h i j k l m n o p q r s t u v w x y z 0 1 2 3 4 5 6 7 8 9 #

فص لولي - mosalem lyrics

بصيت في عنيها
لقيت نفسي
مهما بعدت
بسمع صوتك باجي بجري
مهما تعبت
لو عايزاني هاجي بدري
علشان انا اجيب اخري
والله مش باذي

حبيتك بالسجارة او من غيرها
لابسة نظارة او بتشيلها
ديسمبر اتقابلنا
مكملناش كتير
بس الوقت اللي مبينا
فكره بكل تفاصيل
اول مره سمعت صوتها
احساس غريب
مغناطيس بيقولي شوفها
عايز اسيب نفسي
اقولها بس ازاي
قلبي راح شكله مش جاي 2x
طاقة قوية بتقولي
انك مستقبلي وعيني منك
قربتي شاورتي سالت اسمك
ضحكتي وقولتهولي
سلسلة فص لولي
علي رقبتك
في دماغي سالتك
تنزلي تشربي قهوة
سحبت دعوة
لما جت سيرت خطيبك
كان نفسي اكون حبيبك
شهر فاض كل لحظه بشوفك فيها قصه
تساؤلات سيبتي خطيبك ولا لسه
مفيش امل لو اعرف اسمه ساكن فين
اعمله عمل ونتخطب احنا الاتنين
افكاري رايحه جايه
يوم بعد يوم
طب اخبطه بالعربيه
مش بيجيلي نوم
فات كمان شهرين
انا بحكيلك مهما كنتي فين
انا بشكيلك
عينك زعلانين اقوم واجيلك
احضنك مش هسيبك
اطبطب عليكي همسك ايدك
طب ده كده كان تاثيرك
غزوة و قلبي اسيرك
برضوا لسه مش حبيبك
كل ده تخيلات
الوقت عليا زاد
شايل البوم فرحنا
شايف بنات
ندي و عائشة وتسنيم
شايفك مش شايف تانين
شايف خاتم وفستان
قاعد مسحول وقلقان
مخي مشغول وغرقان
كلام نفسي انقلهولك
بس غيري سباني وقلهولك
سؤال حلمي اسالهولك
هل تبقي مراتي
لو اقدر ارجع للماضي
طبطب علي نفسي
متقلقش كل ده
كلام فاضي
متسباش الأحداث
كله في معاده
متخليك راضي
لحد يوم اما جاني
منك رسالة صوتها عالي
زي رعد
مكتوب فيها سبنا بعض
مثلت وقولتلك
لا ليه ازاي وامتي
قولتيلي شهر سته
سبنا بعض من اكتر من شهر انا كنت بعاني
وانا سعادتي مش سايعاني
مبسوط بكل معاني
انا هعمل واجبي لانساني
ننزل نتكلم علشان انتي قلقاني
قصة حبنا حصلت زي ما كنت عايزها
او زي ما كنت فاكر
مش كل حاجه تعوزها
هتفيدك في الاخر
مش كل اميرة تفوزها
هتحبك في الاخر
مش كل روح مزنوقه
هتقولك تعالا وتتاخر
شيطاني قالي بصوت ساخر
بس انا مش ندمان
اني اتمنيتك
فات سنتين لسه منسيتك
شوفتك بعدها عرفتك لي حبيتك
عرفت لي حبيتك
بصيت في عنيها
لقيت نفسي
مهما بعدت
بسمع صوتك باجي بجري
مهما تعبت
لو عايزاني هاجي بدري
علشان اجيب اخري
والله مش باذي

افتكرت برضوا
لي حبنا مينفعش
لما تقعد تصرخ
واكتر حد عايزة يرد ميسمعش
وجود الحب شيء جميل
بس برضوا ميمنعش
عدم تقبل عيوب الاخر
يبقي حب في نعش

قصة مش عارف درسها
ادور علي واحده زيها
هل اللي دمرنا نفسنه
لو كانت الضربة كام سنة
غلط [؟]
لو كنا سبنه تنشنه
هل كنا عيشنا في هنا
قوليلي
هل لو كلمتك دلوقتي
هتجيلي
كل ما ببعد ببقي نفسي تنسيني
او انا اللي نفسي انساكي
اني في لحظه ابقي معاكي
وابص عليكي واعرف بالظبط ايه اللي جواكي
او اللي خلاكي تسيبيني
صدقيني
مش فاكر فيكي
غير عينك ضحكتك قوة قلبك ورقتك رافعه حاجبك وبسمتك مش فاكر غير اني هفضل احبك طول ما انا واقف بطولي
مش فاكر كل كلام اللي كتبتهولك
واللي عمره ما ساب رقابتك
سلسلة فص لولي

- mosalem lyrics

Random Song Lyrics :

Popular