a b c d e f g h i j k l m n o p q r s t u v w x y z 0 1 2 3 4 5 6 7 8 9 #

to2 nagaa | طوق نجاة - mohamed ramadan - محمد رمضان lyrics

[المقطع]
شاب عادي في بداياته كانت حياته بألف لون
كان بيجري ويا حلمه وقال أكون أو لا أكون
كان فاتح للدنيا صدره وطيش طموحه زاد جنون
جه ذكائه في لحظة خانه، فجأة لعبت بيه الظنون
أيوة أنا الشاب اللي لعبت الظنون الكورة بيه
أيوة أنا اللي رسمت حلمي واللي ضيعه بإيديه
أيوة أنا اللي ناديتله سكة زغللت قوام عينيه
شافها جامدة في بدايتها بس كان آخرها إيه
شوب صب كاس في حب عاش يا بوب خد كمان
شد سطر روح يا قطر، بان أسد لا تبان جبان
أي حاجة تيجي راشق، أيوة راكب ع السلام
كانت أموري راسية ماشية إيدي شدة ع اللجام
فجأة خيل خيالي خاني قام صادمني وبغباء
المسيطر نخ وطى والمزاج ركب وساق
خلى كفة كيفي غلبة، خد غلاوة أمي ليه؟
جابني غمى عيني ساقني خدني عبد بين إيديه
ضرب ضرب ضرب ضرب هو ده اللي في القاموس
عشت عمري جوة حرب كل همي أجيب فلوس
في اللي حلت منه فوت، في اللي مات مافيش دروس
جوة دايرة خد وسقط عشت بمبدأ يلا دوس
صاحبي الفلوس، حتى اللي مني لو جنيه بخطف قوام
في اللي كارهك واللي حبك، حب إيه بنهي الكلام
مات ضميري قلبي مات والحلال دفنه في الحرام
الشيطان من فعلي سقف، قال عليا واد تمام
كله فك مني سابني شافني عقرب سمه موت
جيبي لو في مرة خاني كيفي نفسه يسيبني أموت
يأسي نشن فيا صابني، غول وساقني بالريموت
سحلة طول اليوم وآخره في أوضة أقرب للتابوت
نفسي ألاقي تاني نفسي، نفسي أحس بالحياة
نفسي جوة بحر يأسي يتحدفلي طوق نجاة
ليه بشوف في عينيكوا إني حد مفقود فيه الأمل
ده اللي موت ١٠٠ توبته كانت بنية وإتقبل
[اللازمة]
يا حياة إحدفيلي طوق نجاة
يا حياة إحدفيلي طوق نجاة
يا حياة إحدفيلي طوق نجاة
إحدفيلي طوق نجاة
يا حياة إحدفيلي طوق نجاة
يا حياة إحدفيلي طوق نجاة
يا حياة إحدفيلي طوق نجاة
إحدفيلي طوق نجاة
يا حياة إحدفيلي طوق نجاة
يا حياة إحدفيلي طوق نجاة
يا حياة إحدفيلي طوق نجاة
إحدفيلي طوق نجاة

- mohamed ramadan محمد رمضان lyrics

Random Song Lyrics :

Popular