a b c d e f g h i j k l m n o p q r s t u v w x y z 0 1 2 3 4 5 6 7 8 9 #

iischpalascht - migo & buzz lyrics

[verse 1: migo]
er het es symbol zweni i sim glück*los
gseht i de wulche es stück «morn» hüt scho
immer zrügg cho doch gspürt vo de kämpf, wi
d rüstig u d schwärt mit de jahr langsam schwär si
er sitzt i sim märli, tippet äs härzli i sis phone für si
sini prinzessin isch stolz uf ihn
aber leider amne cheutere ort aus dr heud
wiu si wohnt imne schloss us iisch
er bsuecht se viu – si si beidi verknallt
doch er mues luege das er sech nie i de stundene verlüürt
wiu ihres aues*iigfrürende deheim isch e gfahr
er mues gah we d füess blau wärde u er se nümm gspürt
u so mängisch het är gseit: baby los itz
chum use, gsehsch nid ds ds tor off isch?
u so oft het si versproche si chäm morn, si
plant scho dr erst schritt, gmacht het si s doch nid

[chorus 1: migo]
aues isch so chaut um di – us iisch
i ha angst um di – und gliich
i mues itze gah – i cha nid läbe imne iischpalascht (iischpalascht)

aues isch so chaut um di – us iisch
i ha angst um di – und gliich
i mues itze gah – i cha nid läbe imne iischpalascht (iischpalascht)
[verse 2: migo]
duurend trifft er befründeti ritter mit ihrne prinzässinne
si si duss am spaziere, ds närvt ihn när
zwar bewacht er ds tor
und er schlaht jede wo i das schloss ine wot
aber eigentlech wünscht säch är nume
si chäm use
wieso duet er sich das ah? macht sech da zum idiot?
wieso liidet är nume? hässig geit är ine
u fragt se nach de lang vrsprochne ferie mit ihre
u si seit ihm, o wenn si sich oft so versteui
das s usgseht aus ob si doch eigentlech warm heig
mach si das nume um ihn nid z beunruhige
si wöui doch frei si, si früri in wahrheit
si chäm hie nie use
uf de gäng lig e fluech, u
we är si nümm bsuechi de gäng si kaputt
es stimm nid das si i dem gfängnis wöui blibe
u derzue wachse us ihrne träne neui zimmer

[chorus 2: migo]
aues isch so chaut um di – us iisch
i ha angst um di – und gliich
i mues itze gah – i cha nid läbe imne iischpalascht (iischpalascht)

aues isch so chaut um di – us iisch
i ha angst um di – und gliich
i mues itze gah – i cha nid läbe imne iischpalascht (iischpalascht)
[verse 3: migo]
so ritter wi är eine gsi isch
verziert mit verschiednige tattoos vo abentüür
falsch wär zue z gäh wes nä z viu wird
är wärmt se währenddem är ah ihrere hand erfrüürt
jede schwär hieb mitem aute schwärt
schliift ah chautä wäng nur paar iischkristaue wäg
ihri festig isch es monster woner nie bezwinge wird
si het ihm o nie aui zimmer zeigt u was dert inne isch
er weiss nid wie de fluech entstange isch
wieso das si dert gfange isch
doch langsam wird er blau im gsicht
er schleppt sich zrügg as tagesliecht
er mues furt, scho nur zum eigete schutz
entweder allei si oder teil vo dem fluech
ds schloss schmeuze cha nur si, wo dert inne ligt
aber ob si s o versuecht weiser hüt immerno nid
und am irgendeinisch zrüggcho hindere ihn d ängst
isch si immrno vrfluecht, de stöh vilich i de gäng
es paar neui skulpture us iisch im schnee
vo angerne wo z lang um sini prinzessin het kämpft
oder z schloss wär nümm dert, nur e tiefe see
de wär si frei, doch würd är sä näre nie meh gseh

[chorus 3: migo]
aues isch so chaut um di – us iisch
i ha angst um di – und gliich
i mues itze gah – i cha nid läbe imne iischpalascht (iischpalascht)
aues isch so chaut um di – us iisch
i ha angst um di – und gliich
i mues itze gah – i cha nid läbe imne iischpalascht (iischpalascht)

- migo buzz lyrics

Random Song Lyrics :

Popular