a b c d e f g h i j k l m n o p q r s t u v w x y z 0 1 2 3 4 5 6 7 8 9 #

illrap khalanii ab'aa keda | الراب خلاني أبقى كدا - mc amin lyrics

[المقدمة]
(maestro)
‫كل الناس عارفة “عارفين مين؟”
‫كل الناس عارفة “عارفين مين؟”
‫كل الناس عارفة “عارفين مين؟”
إم سي أمين، إم سي أمين

[المقطع الأول]
لما بدأت في المزيكا
مسحت من قدامي ناس كتير بالأستيكة
مش محتاج أقول وأوضح، هي سهلة واضحة جداً
مش فبريكا، إفهم يا ويكا
لما تسمعوني هتحبوني، تطلبوني
تبقوا جزء من قانون قانوني
سامعين جنوني، شايفين لوني؟
يبقى صعب تمسكوني تخنقوني، سيبوني
إتربيت من وأنا صغير
كبرت وإتربيت، لفيت وصعب إني أتغير
بقول كلام تمام عشان قدام يكون موجود سلام
خلاص يا ناس العمر قصير
هتشوف حياتك من عينيا
شخصية أنتقدية طالعة جوة الجمهورية
مافيش مخلوق يقدر عليا
طول ما شعبي وأهلي وناسي حاسين بيا وواثقين فيا
[اللازمة]
لو سيطرت على المكان
أيوة هو كدا الراب خلاني أبقى كدا
لو سببت لناس جنان
أيوة هو كدا الراب خلاني أبقى كدا
لو هيقول إسمي الزمان
أيوة هو كدا الراب خلاني أبقى كدا
لو كلامي كان بركان
أيوة هو كدا الراب خلاني أبقى كدا

[المقطع الثاني]
كل لما حاجة بتحصل الحكمة توصل
للخبرة تحصد، للخير بتقصد
أساس الدنيا اللي إحنا فيها إن إحنا نصمد
للرب نعبد، للرب نسجد
مهما كله يلعب يلهو
ينسى إنه ربه شايفه عارفه كشفه قفشه
يشرب بانجو يشد بودرة
صعب يانجو يعيش لبكرة
روحه في عطسة بتطلع هتشو
خدمة الجماعة واجب
مغلوب وغالب
مركوب وراكب
مقلوب وقالب
إزاي هتواكب الإتنين؟
في مين كسبان ومين خسران عشان تعرف تحاسب
بس الحساب يوم الحساب
وهو ده آخر جواب
أسلوبي جوة الراب محارب
عملت بيه الانقلاب
من تحتي أرض للعذاب
معروف أمين ولد مشاغب
[اللازمة]
كلامي طلع ناس كتير
أيوة هو كدا الراب خلاني أبقى كدا
عملت في الأوضاع تغير
أيوة هو كدا الراب خلاني أبقى كدا
الناس بتقول عني الكبير
أيوة هو كدا الراب خلاني أبقى كدا
لو شفتوني في يوم بطير
أيوة هو كدا الراب خلاني أبقى كدا

[المقطع الثالث]
أمين في مصر أب روحي
شعبي حس بيا وقت فرح ووقت جروحي
ده خلاني أحس بيكوا
اللي في قلبك أديكوا
مني ليكوا هدية روحي
ما تقولش كفاية مش مستحمل
إعرف فين طريقك، إمشي فيه، أكيد هتكمل
عملت اللي أكتر منه برضه
وهعمل أكتر، رأيي فرضه
وهعلّى أكتر لما أتأمل
فرق الخبرة والمهارة
بيبين الخيابة، بيبين الشطارة
بلاش تقول حرام خسارة
شوف مين فينا في الصدارة
يتستاهلها وبجدارة
مش بقول أنا أحسن واحد
بس أنا أحسن واحد جرب، إسأل واحد واحد
هيقولوا لك أحسن واحد هو واحد
والإجابة دايمًا واحد رقم واحد
[اللازمة]
لو وضحت كل شيء
أيوة هو كدا الراب خلاني أبقى كدا
لو ولعت في الطريق
أيوة هو كدا الراب خلاني أبقى كدا
لما أقول عارفين مين
أيوة هو كدا الراب خلاني أبقى كدا
قولوا إم سي أمين
أيوة هو كدا الراب خلاني أبقى كدا

[الخاتمة]
‫كل الناس عارفة “عارفين مين؟”
‫كل الناس عارفة “عارفين مين؟”
‫كل الناس عارفة “عارفين مين؟”
إم سي أمين، إم سي أمين

- mc amin lyrics

Random Song Lyrics :

Popular