a b c d e f g h i j k l m n o p q r s t u v w x y z 0 1 2 3 4 5 6 7 8 9 #

40 bar - ٤٠ بار - mahmoud abdelrzaq - محمود عبد الرزاق lyrics

[المقطع الوحيد]
الدنيا بتلهي وكل يوم أزميلي نلفوا
ونرجع نسأل إمتى نخفوا
تقلنا وكان لازمنا نخفوا
أما نجوعوا مش بنحفوا
وأما بتفلت مني حبة أحاسبني
اللي بلعته مش بتفه وفينا الحلو
عايز حقه من النفس الغلاطة
عايز الدنيا تكون بساطة
وماسمعش إن زميلي طاطا
عشان حاجة المفروض بتاعته
بس في حد فتش ساعته
وما بقاش مهتم يقوم لوحده
عايز أديله حبة طاقة
عايز أديني حبة طاقة
ما أنا إتفتشت برضه في ياما
زيي زيك برضه في ياما
مافيش حد ماتوجعش في حاجة
اللى مكبرها لسه صغير
بكرة يشوف ويتغير
لأحلى يا لقاع الزبالة
وده مش مادياً عشان أنا مش جاي في زينة
متدمر نفسياً اللي فلوسه ياما فكر فيها
على مهلك ما تتعشمش
حبيبي ما تأفلمش
عشان مفضوح زي السما
في الوضوح مش في العلو
أنا ما بغنيش عشان تهز
عشان تعز عليا حاجتي
واللي عندي مبيتباعش
عشان مافيش فلوس هتكفي
واللي شايف غير ده منه
وكل حلمه كاس وحرمة
ويحبه اللى يشبهله المغيب
فبيكرهني صرماً
مني ما ينبكوش غير من ده
من الحسبة نطرح الناقصين
والحلوين يا دوب عالإيد
‫فما تكبرهاش وتقول ده scene
والمُجمل الذوق مافيش
المُجمل الذوق في إنحطاط
والعيال دي بتتشهر
بالسيرفرات مش بالبارات
‫تيجي بالفلوس عشان تـ feat
تمشي بفلوسك في الإيد
وتستغرب إزاي رفضت
وتسأل مين فينا العبيط
حاجة صعبة عليك فهمها
كسوة ما تغنيش عن البدن
والقصة دى مش هيحسها
عيال رخيصة ليها تمن
إنتوا إزاي بتحطوني في مقارنة
إزاي بتشوفوني
شوف إتسرق مني كام سنة
ما عرفوش يفضوني
اللي عندي ما بيخلصش
ولا يتلخصش في اللي قولته
يزيد وما بينقصش رجولته
وده اللي جاي وده اللي كُنته
بس العميان في البلد مالينها
أصوات باطلة فارزينها
زميلي لو هتفبركوا النتيجة
إحنا التيتة عارفينها
والصحة تستدعي إن إحنا
ناكلوا الجبنة من غير زيت
ونقللوا السكر في البيت
وربك ما يحوجناش لجيب
أزميلي كل ده هيروح
أزميلي كل ده مش باقي
ولو عندك زميل مخدوع
بكرة مش هيشوفك إستثنائي
وأنا زيي زيك في كتير
بس ما بكدبش حتى لأعدائي
فلو مش أخ مش مسموح
تتكلم بلسانَّا نهائي

- mahmoud abdelrzaq محمود عبد الرزاق lyrics

Random Song Lyrics :

Popular