![lirikcinta.com](https://www.lirikcinta.com/statik/logonew.png)
goulou l'mama / قُولُو لْمَامَا - lotfi double kanon lyrics
[المقطع الأول]
يكذب عليك يلعب بيك يتمسخر بيك
لي يقلك فهذ الدنيا كاين حاجة خير من والديك
ما كانش منها الهدرة دي جامي تمنها
سيرثو الأم في هذ لحياة حاجة ما خيرمنها
هي رباتك جامي خلاتك
تحب تعرف ليستوار روح سقسي خاوتك يقولولك الحكاية طويلة
منين حتحكي؟ من نهار لي بديت تمشي ولا من نهار لي بديت تجبي
كي تبكي ترضيك ، كي تجوع تغذيك
كي تبرد تغطيك و في الليل ديما تبني عليك
ديجا قبل ما تولد شحال سوفرات
كانت بسيف ما ترقد بصح جامي شكات
تهز يديها للسما و ديما تدعي
في قلبها ثلاث كلمات “يا ربي احفظلي ولدي”
الخير هذا باش نرجعوه موحال
ما دام كيما كا مالا
[اللازمة]
قولوا لـماما أنا هنايا ديما نموت عليــك
قولوا لـماما أنا هنايا ديما نخمم فيــك
قولوا لـماما أنا هنايا ديما نغير عليــك
قولوا لـماما أنا هنايا ديما نخاف عليــك
[المقطع الثاني]
مالجري لعوام تعدي الأم تبقى اتبعك
مام لاكان تكبر مازالت تشوف فيك ترضع في صبعك
بالنسبة ليها نتايا ديما طفل صغير
مهما ادير فيها تلقاها ديما تحبلك غير الخير
الناس تحسدك الناس الكل تبخلك
هي الوحيدة في هذي الدنيا لي جامي تخدعك
زيد خمم لي سوفونير درك يجيو
تفكر بكري خلاه كي كنت تمرض باللونجين
شكون لي داواك شكون لي سهر عليك؟
كي تروح تفواياجي قلي شكون لي يخمم فيك؟
و الشي لي يحير و تكون بعيد عليها
و تصرالك حاجة هي في سع توحى ببها
كيفاه؟ ما نعرف شكون لي قاللها
يقولوا ناس بكري آي الكبدة لي تخبرها
عديك الأم نعمة من عند المولى
ما دام كيما كا مالا
[اللازمة]
[المقطع الثالث]
الأم نقولك ثروة ما تفناش
لا كان راحت عليك سي سور ما تعوضهاش
على جال ولادها هي تمد الروح لي فيها
دوماج كاين عباد ما يعرفوش القيمة تاحها
كاين لي ينيرفيها كاين لي يعيّط عليها
كاين لي يدّيها لدار العجزة و ينسيها
كاين لي يجرحها بكلمة تخرج من فمّو
و خسارة كاين قداه واحد يضرب أمّو
خطاك مشو راجل والو ما كان في قلبو
نخمم عليه كي يتقلب وحدو في قبرو
دمك من دمها لحمك من لحمها
الرسول قال باه يحبك ربي لازم تحبها
مام تروح للحج و تدير 40 عمرة
لي ما ترضاش عليه أمّو ما يعولش عالجنة
بالاك يربح الدنيا بصح لاخرة لا لا
ما دام كيما كا …مالا
[اللازمة]
Random Song Lyrics :
- päiväkirja - laura lyrics
- eat your heart out, kimya dawson - pigeon pit lyrics
- the faintness - conspiria lyrics
- нити днк (dna threads) - куртки кобейна (kkband) lyrics
- расскажи, как это было (tell me this) - samantha kid lyrics
- ntdwy - king chip lyrics
- buff - jerhell lyrics
- nothing without you - josh trammel lyrics
- tha k.b. - dopekid & strake lyrics
- a pe sheh - unikkatil lyrics