a b c d e f g h i j k l m n o p q r s t u v w x y z 0 1 2 3 4 5 6 7 8 9 #

ammi teboune - عمي تبون - lotfi double kanon lyrics

[اللازمة]
عمي تبون les jeunes راي ڨاعدة تبور
les jeunes راي في البحور، الكل حراڨة في بابور
مالا قول لعمك تبون les jeunes راي ڨاعدة تموت
بالبيضة mon amour، يا mon amour، يا mon amour
يا تبون les jeunes راي ڨاعدة تبور
les jeunes راي في البحور، الكل حراڨة في بابور
مالا قول لعمك تبون les jeunes راي ڨاعدة تموت
بالبيضة mon amour، يا mon amour، يا mon amour

[المقطع الأول]
بلادي في بالي، على بالي هبالي لي بلاني
عمبالي عذابي وأعبائي في عباد لي باغية إعدامي
عديت أعدائي بأعمالي وعدد مالي jamais عماني
علامي عالي في العلالي، على ديك نعادي لي يعاديه
كثرت الغبينة، الضغينة، الغيبة والغيرة
ما بغينا الخيبة والوخيدة، تغيضنا بلادنا خيرها في غيرها
دورك y’en a marre، الدعوة شاعلة نار
المورال تاع الشبيبة راو طايح أكثر من الدينار
اسمعني bien يا تبون، في كل ليلة قتيلة ثقيلة تبكينا
كل يوم فالكارتي كاين لي كالي الكيلة وكمية تيكيلا
كلنا تكوينا تكالينا دقينا بكمية وبڨرينة
كل تبلوكينا تپيكينا بـ des clowns كيما بنڨرينة
يا تبون الناس tellement هربوا، حرڨوا العام هذا
اليوم بارباس ولات كارتي تابعة لعنابة
دورك ماكرون راهو مبريزي، لوبان راي بالـ la crise
خاطر les algériens رام استعمروا الشوارع تاع باريس
[اللازمة]
عمي تبون les jeunes راي ڨاعدة تبور
les jeunes راي في البحور، الكل حراڨة في بابور
مالا قول لعمك تبون les jeunes راي ڨاعدة تموت
بالبيضة mon amour، يا mon amour، يا mon amour
يا تبون les jeunes راي ڨاعدة تبور
les jeunes راي في البحور، الكل حراڨة في بابور
مالا قول لعمك تبون les jeunes راي ڨاعدة تموت
بالبيضة mon amour، يا mon amour، يا mon amour

[المقطع الثاني]
en tout cas بلادنا طريقها باينة مريضة ومريڤلة
دورك باه تكره دارولك ريكار، بروكا، لا كوك وليريكا
كاينين كلمات رام يديروا dégât، رام يبانوا ضربات بـ fmpk
راك ديما تلقى هذيك la brigade، كيما السيسي دار لأبو تريكة
الشعب راو تكلّح، الضلم تسرّح وتسلّح
حتى الإمام ضارب النح، مهم صلّي، صوم وسبّح
في الساحة الطالب صوتو بحاح، داير إضراب مشو مسامح
وتشوف الإعلام من التحت للتحت، غير فالتفاهة لي ينبح
ما يحكيش على الإعتقال، الإحتقان والإحتقار
على لي قام بإنتقاد ولا قال في مقال
العقاب للعقال والإنتقام بإتقان
وما بقى الحق يتقال، sinon تلقاك غير الطلقات
ما تقولش بلي ڨاع les jeunes رام يكرهوا القعدة في القهاوي
ما تقولش بلي même لي يخدم شهريتو ما بقاتش تلاوي
ما تقولش كلش غالي كاوي، ما تقولش الجيب خالي خاوي
ما تقولش البلاد تعاني، sinon يقولو خائن عميل
يا تبون، يا الرئيس بلادنا وقدرها عزيز
ما تحركني الإمارات، ما يحركني محمد 6
ونزيد بالاك نسيت حنا عرب و أمازيغ
وقفنا ضد العصابة ملي كنت أنت وزير
[اللازمة]
عمي تبون les jeunes راي ڨاعدة تبور
les jeunes راي في البحور، الكل حراڨة في بابور
مالا قول لعمك تبون les jeunes راي ڨاعدة تموت
بالبيضة mon amour، يا mon amour، يا mon amour
يا تبون les jeunes راي ڨاعدة تبور
les jeunes راي في البحور، الكل حراڨة في بابور
مالا قول لعمك تبون les jeunes راي ڨاعدة تموت
بالبيضة mon amour، يا mon amour، يا mon amour

[المقطع الثالث]
شوف 3ème couplet كانك دري غير coupé
كلو كامل politique مالا ماذابيك غير تبلوكي
النضام حا يديكوديه y’écouté même يديڤوتيه
عمبالو كل ما يجينا vote، الشعب الكل حا y’boycoté
زيد راني choqué، الإنتخابات رام مكشوفين
الحاكم بين الشوطين جاب نتائج كلها مشكوكين
شوف كون نسخن ونشوفي ونشعل واش كاين في جوفي
نشهد كالشعب كلنا شفنا النشافة لي نشرها الشرفي
زيد بان الـ fis، شكون لي دار الـ bénéfice
راو من نهار بان vice، حتان دارو بن فليس
هاد البلاد راي بالعفيس، سياستها في إفلاس
من نهار مات الدّا الحسين آم دفنوا معاه الـ ffs
زيد يا تبون الجيش تاعنا راه محبوب
كرهنا غير أصحاب النفوذ يعفس بـ grade باش يفوت
مشاكلنا تاع اليوم مش غير الزطلة والحبوب
كاين حفتر، ليبيا، المالي وزيد فاڤنر مع الحدود
يا تبون بلادنا كبيرة، شابة، زينة وعروسة
ما فهمناش وعلاه الشعب في وجهو ديما معكوسة
كيما ڤلتها في الحصة: “je n’irai pas à kanossa”
البلاد ولات كوزا نوسطرا، مافيا أكثر من الياكوزا
[اللازمة]
عمي تبون les jeunes راي ڨاعدة تبور
les jeunes راي في البحور، الكل حراڨة في بابور
مالا قول لعمك تبون les jeunes راي ڨاعدة تموت
بالبيضة mon amour، يا mon amour، يا mon amour
يا تبون les jeunes راي ڨاعدة تبور
les jeunes راي في البحور، الكل حراڨة في بابور
مالا قول لعمك تبون les jeunes راي ڨاعدة تموت
بالبيضة mon amour، يا mon amour، يا mon amour

- lotfi double kanon lyrics

Random Song Lyrics :

Popular