a b c d e f g h i j k l m n o p q r s t u v w x y z 0 1 2 3 4 5 6 7 8 9 #

ta7t el ta2thir | تحت التأثير - king karika lyrics

Loading...

[لازمة تمهيدية]
تحت التأثير بقالي كتير بقالي كتير
تحت التأثير تحت التأثير بقالي كتير تحت التأثير

[المقطع الأول]
مفيش غير دماغى بتضرني .. مفيش حيلة بتدلني
مفيش حاجة بتهدني .. مفيش حد بيهمني
ملقتش فطريقي حد يحبني غير ومشي
فا اتغيرت سكتي اتحولت ملامحي و اتطفت ضحكتي وقعوني كل مرة كنت فيها ببتدي

الصرخة جوانا مكتومة وهمومنا بالكومة
صفقة ملعونة مختومة من الشيطان معدومة الرجولة مين فيكو بيصتنصح من فيكم أخويا
في الشارع خادونا ودخلنا مضاربة ع البطولة
عفاريت المصالح لبسونا وبنغلط وكلو ع النوتة أرواحنا مرهونة و يوماتي الحكومة يطاردونا

إللى فينا مكفينا لفينا وحفينا بندور على قلب يدفينا
بندور ع إللى يصحى فينا التغفيلة بس دماغنا تقيلة
وعيونا مسطرة مشبرة وغدارة بنحاول نخفيها
بنحور طول الوقت على بعضينا اشوفك في الجنة حبيبتى
عشان كلنا كنا فمركب الحظ إلى غرقت بينا

احنا ولاد ناس بس شربنا الشقى فكاس
عيشنا وعاشرنا الانجاس .. شوفنا الدنيا لكن من العين السحرية عشان كانو قافلين علينا بترباس
كنا فجرة طلعنا لبرا اتسوحنا
سني صغير بس الدنيا مدرسة
روحنا وجينا زي ما احنا
شكلى فنان بس دماغى مقرحة

[اللازمة]
دنيا ودوامة والأيام دايانة في حاجة مضيقانا بس احنا قدها
سيبني انت بس فحالي وروح لحالك عشان انا دماغى تعبانة مولعة
كل الحب دا اشتغالة وكلها مرقعة
إللى كان شايلك كان نفسو يوقعك .. ياما اتلدعنا بس احنا رجالة مجدعة
x2

[المقطع الثاني]
أوقات نحب نتساب و اما نتحب فا نسيب
الحب أصلاً كداب و أكبر كدبة النصيب
كنت اما ببقى مشتاق اروح اشوفها ماتجيش
كل اما تبقى وحشاني كنت بشرب حشيش

كل اما بتبدأ تحس بالخطر كدة انت بتكبر بتعرف البشر
كدة انت بتفهم الدنيا ماشية ازاي تلعب بالبيضة والحجر
تبدأ تواجه القدر تطلع من دور الطفل وتمسك كتر
علشان تحس انك بطل تعمل اللقطة
صاحبي هو ده إلى حصل

وطلعت في حواري كأني ع الجبهة بحارب بمر بتجارب و بهبئ
مرة بكسب مرة بفهم كل اما اتصاب برجع زي الأول و أحسن
صعب اني الجألك تسندني
صحبي أما تسلك هستناك كلمني
النصايح بتنرفزني مش بتفيدني الأخطاء اللى بتعلمني

الآية مقلوبة كل الناس دي سودا من جوا غير برا
خلوني مضطر اني اخرج العين الحمرا كل مرة بقابل فيها وش فاجر
كل اما بتتكلم اكتر هيبقى سهل انك تتأكل
الدنيا حسبة حظ .. فلوس .. حب .. دروس
ومحدش واكلها بالساهل

[اللازمة]
دنيا ودوامة والأيام دايانة في حاجة مضيقانا بس احنا قدها
سيبني انت بس فحالي وروح لحالك عشان انا دماغى تعبانة مولعة
كل الحب دا اشتغالة وكلها مرقعة
إللى كان شايلك كان نفسو يوقعك .. ياما اتلدعنا بس احنا رجالة مجدعة
x4

- king karika lyrics

Random Song Lyrics :

Popular

Loading...