la démocratoz - karim elgang lyrics
…………………
يا حكومة كنا معاكم رجال
كونتر الفتنة كونتر الثورة و la guerre
حابين نشوفوا اصلاحات..لازم تبوجوا و تتحركوا
sinon تشعل لبلاد وراكم كامل تتحرقوا
……………………………..
واحد..راني شعبي مشني سياسي
ما عجبتنيش التصريحات تاع مراد مدلسي
وزير الخارجية..راك غير تهدر على النية
دزاير تاعنا عمرها ما كانت فرنسية
-و نقلك.. راو لازم رد اعتبار
لازم اعتذار..للشهداء الأبرار
نستناو أردوغان؟صار؟ هذاك العار..
باه يطالب في بلاصتنا بتجريم الاستعمار
-و قلي وينو مشروع 5 مليون سكن
قاع تسرباو بالمعريفة و المواطن تغبن
في عنابة-بلاصدارم-الناس تتغطى بالكفن
كل ليلة تريب دار و عباد تحتها تتدفن
-من مغنية الى أم الطبول لاجوناس راي هاربة
يقلك لبلاد في القلب مي تسلكها غير الحرقة
مخي طاب..باه نفهمهم شعري شاب
أيا قلي شكون الكلاب لي حرقوا مارشي الحطاب؟
-وزارة الصحة و la cnas ما شفناهاش
قداه من مريض يعاني ..وينو حقو من العلاج
شفنا معلمة ضربة طفل عماتلوا عينو
في ورقلة مرمي الى دركة واحد ما عاونو
-تعاونوا على الشر..بصح ca fais mal
كي نشوف في الجورنال..تقول في الصومال
جوع..شوماج.pourtant كاين المدخول
وراني خايف على بلادينهار يخلاص البترول
-رجعنا للوراء لقينا مشكل بدائي
2012 الناس تموت بتسمم غذائي
وينو الكونترول؟قلي ويني الرقابة ؟
عباد تعاني و هوما عقاب الباي تحت الطابلة
-رام هبلوا الزواولة..وقتاه la paye تزيد
وملي تزيد..يزيد معاها السميد و يزيد الزيت
وأنا الى دركة ما ريت التسقيف تاع الأسعار
البطاطا عند الخضار ولات أغلى من la bière
……………………………………….
-المعيشة..السرقة..الحقرة..الرشوة..piston..الكذب..المنكر..و الفقر..
يا حكومة كنا معاكم رجال
كونتر الفتنة كونتر الثورة و la guerre
حابين نشوفوا اصلاحات..لازم تبوجوا و تتحركوا
sinon تشعل لبلاد وراكم كامل تتحرقوا
……………………………..
-sinon تشعل البلاد..و راكم كامل تتحرقوا
لازم تتحركوا ..تلقاو حل للناس لي يحرقوا
في تبسة راك تموت..ترسكي تجيب القوت..
زطلة ولا مازوت..في الحدود تقص تفوت..
-و esk ما علابالكمش مين قاعد يدخل la drogue؟
بلي الكمية لي ادور في الحراش راي جاية مالماروك؟
ما علابالكمش شكون لي لي يجيب للشاوية البولينة؟
وبلي التبزاق لي في سوق أهراس جاي من قسنطينة؟
-غبينة..تدينا..بينا..بلي فينا..
خمور بنينة..لينا..و ترخيص للزنا..
الغرامة تجينا..شكون ينجينا؟رانا عيينا..
و الشيخ عطا الله député يريكلامي علينا..
-meme وزارة الثقافة تخسر في لي ميليار
الكاشي تاع تامر حسني budget تاع festival
لارتيست local مسكين محقور عيناني..
جيلالي -راينا راي- مثال راو مات يعاني..
-ميساج vocal للمينيستار تاع بن بوزيد..
راو ما راضي عليك ni أستاذ ni تلميذ..
مريض le prgramme و يغيضني غير l’élève
و le proff تهمو غير la paie سينو la grève
-الغرب منتج.. و المسلم مسكين مستهلك
عذيكة جهلك..مادام قبلك جهل أهلك
رايح تهلك ..بيدك ..مستقبل ولدك
مادامو صفحة بيضة وش تكتب فيه يمدلك
-على وش من أساس تقريه بلي هو متخلف
من عالم ثالث ..جاهل..والوا ما يعرف
كي عاد متخلق متربي 5مرات يتوضى؟
ولد القاوري خير من ولدي أنا ؟ يخي فوضة؟
-أرضى بالضعف..و زيد للغرب هيبة
l’ansej فكرة مليحة صح..بصح مصيبة
كيفاه تقبل الحرام الى مستقبل الشبيبة؟
pourtant الدولة تقدر تسلك قروض الربا
-رسمولنا فيل في عملة 5 دينار
حيوان في مكان المجاهد المغوار
علاها البراكة راحت.. و الدورو ولا ماصت..
والغاشي مطيش في لاشان قدام laposte
-معريفة..رشوة..حشوة..ولا مادامة
ملف فيه1000 ورقة باه تدي خدمة
جنسية..كارطا..اقامة في دوسي التوظيف
pourtant الاقامة و الجنسية في بطاقة في بطاقة التعريف
-بيروقراطية.. جات من الديموقراطززز
ديموقرا واش؟ ديموقرادززز
ديموقرا شاف.. ديموقرا خاف..
ديموقرا قتل معطوب لوناس و محمد بوضياف
-و باه تفهم البلاد.. سقسي هادو العباد
محمد مدين مريض..و العربي بالخير مات
و لا حاب تحل لغز بعض الجنرالات
روح دير enquête على سليمان عميرات
-حبوا يخونا mais النية ربحت الحيلة
زعمة حرفوا النشيد الوطني..والله حيرة؟
لازم لغة الاسلام تبقى لولة لغة ديننا
والأمازيغية أصلي تكون اللغة الثانية
-في حاسي رمل و حاسي بحبح ما كانش الغاز
pourtant سوناطراك من الجنوب دارت labase
دقلة نور و الحبار الى تاع الخليج و الرومي
والصحراوي باه ينسى ..مالاقي غير اللاقمي
-lmd ثلاث سنين ادي ليسانس و اتخرج
وشوفلك كاش معريفة الى ما بعد التدرج
les étudiants شكاو..و حراوبية ماهدرش
جاهل في البرلمان و الدكتور شومور يتفرج
-مالا جيبلو الديازي..دوزي يدوخ يروبوزي..
الحقرة eazy..ici..و الجون مبريزي..
خلي يخمج الكازي..خلي النصبة تروح سيزي..
ياو قداه من دزيري حرق روحو قبل البوعزيزي..
-عذيكة الوضع danger لي راو يدور في alger
عباد حابة تارونجي و عباد تلعب في ال budget
هاذي رسالة شاب من الزنقة الى أعلى سلطة
لازم اصلاحات تطبق بأقصى سرعة
-la periode حساسة و أنا نحكي على السياسة
parske هادي صح فرصة للسلطة وصحاب الكراسة
كنا معاكم رجال في الشدة في وقت اللزة
و كريم ما يخافش الموت غير فوت..راو حالة خاصة
-مشني شيات.. مشني فتان حاب يدير اسم
تفكيري كونتر سعدي ..كونتر مسلم يقتل مسلم
ثوري ابا عن جد نبصم و ديما نقسم
نفضح الناس لي تنهب تسرق فالبلاد و تقسم
-بلادي ما تمدليش.. أنا نمدلها من قلبي
ما نطمعش في الحكومة أنا نطمع في ربي
نتهنى و نرتاح و حس روحي al’aise
Random Song Lyrics :
- meu sofrimento - pardinho e pardal lyrics
- oh! menina - edy gonzàles lyrics
- ponto de viragem - klepht lyrics
- mais uma canção de amor - joão só e abandonados lyrics
- o melhor lugar do mundo - novo tom lyrics
- me liga amor - reni e banda dimensão lyrics
- me apaixonei - alisson mazin lyrics
- check it out - will.i.am lyrics
- muleque bandido - mc smith lyrics
- te louvar - clarisse e larissa lyrics