a b c d e f g h i j k l m n o p q r s t u v w x y z 0 1 2 3 4 5 6 7 8 9 #

meshi ghardi | ماشي غرضي - kamel messaoudi كمال مسعودي lyrics

Loading...

“كلمات كمال مسعودي “ماشي غرضي
اضغط هنا لقراءة المزيد من كلمات وقصائد الشعبي الجزائري

ياغربتي في بلاد الناس
ياغربتي في بلاد الناس
ومن شافني يقول هذا براني
من بعد ما كنت فضة، اليوم رجعت نحاس
والثوب الّي لبستو هو عرّاني
أنا الّي كنت مدبر على الناس
اليوم تبدل عقلي بهبالي،.بهبالي

[لازمة]
ماشي غرضي اليوم كي راني بعيد عليك
ماشي من عادتي نهرب ونسلم فيك
ماشي غرضي نروح نتغرب ونخليك
شحال نعيا يا بلادي ونولي ليك
شحال نعيا يا بلادي ونولي ليك

كي نتفكر يوم فراقك يوجعني قلبي
أيامات العز في بلادي راحت خسارة
ما عرفتشي وين كان هاذ الزمان مخبي
نهجر ونعيش غريب وحدي في بلاد النصارى
لا تردّي عليا اللوم ماهوشي ذنبي
هوما هوما الّي معاهم شبعت مرارة
كي اليوم يجي النهار نهنى ويفرج ربي
ان شاء الله ونعود ليك غانم بين مَّاليا

[لازمة]
ماشي غرضي اليوم كي راني بعيد عليك
ماشي من عادتي نهرب ونسلم فيك
ماشي غرضي نروح نتغرب ونخليك
شحال نعيا يا بلادي ونولي ليك
شحال نعيا يا بلادي ونولي ليك

مكتوب عليا فراقك واش يصبرني
لزَّم عليا الحال نقاسي فالغربة
عمري ظنّيت هكذا يصرالي في وطني
ولا ظنّيت من عندهم تجيني الضربة
سهران وما قدرت نرقد ونغمض عيني
نسأل وما لقيت حد يفيدني بإجابة
نكذب إذا قلت راني عايش مهني
والله مانسيت بنة العيشة فيك

[لازمة]
ماشي غرضي اليوم كي راني بعيد عليك
ماشي من عادتي نهرب ونسلم فيك
ماشي غرضي نروح نتغرب ونخليك
شحال نعيا يا بلادي ونولي ليك
شحال نعيا يا بلادي ونولي ليك

والله ما نويت الهجرة وما جات في بالي
ضاقت بيا الحياة فيك وركبت السفينة
يعذرني الّي انكوى جمرات البين بحالي
وذاق مرارة الفراق خيالك يا زينة
عافس على الشواك مابغاش يهنا بالي
مشتاق نشوف وجهك يا ميمتي الحنينة
نبكي وماكان من يمسح دمعات مجالي
والله ماني مسامح الّي بعدني عليك

[لازمة]
ماشي غرضي اليوم كي راني بعيد عليك
ماشي من عادتي نهرب ونسلم فيك
ماشي غرضي نروح نتغرب ونخليك
شحال نعيا يا بلادي ونولي ليك
شحال نعيا يا دزاير ونولي ليك

نرجى مرسول يأتي ببشارة من عندك
ويجي بخبار سار يتوسّع الخاطر
ننصاب نكون بين أهلي ونشم من ريحك
قعدة بين لحباب ونذوق هواك الطاهر
ماجيت هنا غير باش نعود نولي
موحال نعيش غريب وحدي وأنايا صابر
نويت ان شاء الله نرجع ونعيش في حضانك
والله ما رنويت أنا ننفيك

[لازمة]
ماشي غرضي اليوم كي راني بعيد عليك
ماشي من عادتي نهرب ونسلم فيك
ماشي غرضي نروح نتغرب ونخليك
شحال نعيا يا بلادي ونولي ليك
شحال نعيا يا دزاير ونولي ليك
شحال نعيا يا بلادي ونولي ليك

- kamel messaoudi كمال مسعودي lyrics

Random Song Lyrics :

Popular

Loading...