eskendereya | إسكندرية - hamza namira - حمزة نمرة lyrics
[اللازمة]
طب والمرسي أبو العباس
إنتي حبيبة كل الناس
بحرك لولي ورملك ماس
عمار يا إسكندرية
لو هتكلم في التفاصيل
للصُبحية هقول مواويل
بحري وقبلي وصبح وليل
بموت في إسكندرية
[المقطع الأول]
نسمة هوا ساعة عصرية
وكوزين الدرة والتمشية
من المعمورة للمنشية
يا مساء الجمال
من الكورنيش ولحد القلعة
نتعشى ونتمشى ووالعة
من سحرها بنحس بمتعة
ولا خطرت في بال
طول الليل صاحية ما بتنامشي
باجي ما ببقاش عايز أمشي
وسنين تيجي وسنين تمشي
وهي لسه شباب
[اللازمة]
طب والمرسي أبو العباس
وشوارع بتحب الناس
سايبة علامة في قلوب ياما
ده مين جالها ونساها
صوتها في مزيكة درويش
وأغاني الناس والحرافيش
وسط اللمة وأيوه لما
تسيب روحك معاها
[المقطع الثاني]
المندرة ولوران وستانلي
والمود المظبوط بالملي
مع صوت الموج اللي يخلي
تملي البال يروق
حتى الشتا عندها حدوتة
والمطرة بتنزل مبسوطة
مع كوباية شاي مظبوطة
وسهرة للشروق
سيبلها نفسك مش هتسيبك
وإن جيت تبعد هي تجيبك
عارفاك ومصاحباك على عيبك
كمان سرك في بير
ومعاك ياما ولا شوية
كله على الكورنيش سواسية
نفس الرملة ونفس الماية
ولا بتفرق كتير
Random Song Lyrics :
- sweet sweet song - as the hart lyrics
- quando eu chamar é pra vir - companhia do calypso lyrics
- feeling the boy - don dardah lyrics
- the union - mario willliam vitale lyrics
- de nada vai adiantar - companhia do calypso lyrics
- jump in maserati - horoshiiparen lyrics
- bo oni ciebie nie znają - bartas szymoniak lyrics
- me descontrola - alexis & fido lyrics
- checklist - aaron malone lyrics
- to continue - aaron malone lyrics