s’amours ne fait par sa grace adoucir - guillaume de machaut lyrics
s’amours ne fait par sa grace adoucir
vostre franc cuer, dame, à qui sui donnés
je sui certeins qu’il me convient morir
de ma dolour ou d’estre refusés
ce m’est avis qu’il me vaut miex assés
par vo refus tost morir sans deport
qu’en ma dolour languir jusqu’à la mort
car s’à vous puis ma dolour descouvrir
espoir qu’en vous pour moy sera pités;
et se refus m’ocist, bien vueil fenir
et de la mort seray tous confortés
pour vostre amour, puis que vous le sarés
si me vaut miex à vous querir confort
qu’en ma dolour languir jusqu’à la mort
ne ce n’est pas vie d’einsi languir
com je langui, car je sui embrasés
couvertement d’un amoureus desir
qui en mon cuer s’est longuement celés
helas! or est d’amour si enflamés
qu’à vous aim miex dire quel mal je port
qu’en ma dolour languir jusqu’à la mort
Random Song Lyrics :
- nba (не мешай (don't disturb)) - rsac lyrics
- raining - kallitechnis lyrics
- nightmares - little triste x white silas lyrics
- in for - thoreau lyrics
- one night - livonsaturday lyrics
- intihar gibiydi - tankurt manas(ft. burak alkın) lyrics
- 2max energy - ninety nine collective lyrics
- looking for something divine - rosa antica lyrics
- jim morrison - 6fa lyrics
- the twig & the tree - mounties lyrics