a b c d e f g h i j k l m n o p q r s t u v w x y z 0 1 2 3 4 5 6 7 8 9 #

comment qu'à moy lonteinne - guillaume de machaut lyrics

comment qu’à moy lonteinne
soiez, dame d’onnour
si m’estes vous procheinne
par penser nuit et jour

car souvenir me meinne
si qu’adès sans sejour
vo biauté souvereinne
vo gracieus atour
vo maniere certainne
et vo fresche coulour
qui n’est pale ne veinne
vou toudis sans sejour
comment qu’à moy

dame, de grace pleinne
mais vo haute valour
vo bonté souvereinnе
et vo fine douçour
en vostre dous demеinne
m’ont si mis que m’amour
sans pensée vilainne
meint en vous que j’aour
comment qu’à moy lonteinne
soiez, dame d’onnour
mais desirs qui se peinne
d’acroistre mon labour
tenra mon cuer en peinne
et de mort en paour
se diex l’eure m’ameinne
qu’à vous, qui estes flour
de toute flour mondeinne
face tost mon retour
comment qu’à moy lonteinne
soiez, dame d’onnour
si m’estes vous procheinne
par penser nuit et jour

- guillaume de machaut lyrics

Random Song Lyrics :

Popular