a b c d e f g h i j k l m n o p q r s t u v w x y z 0 1 2 3 4 5 6 7 8 9 #

machi koulyoum el 3id - freekence lyrics

تشيسطا الباز – أوستيل – فريكونس

[المقطع الأول : تشيسطا الباز]
العيب يَندار في زوج دقايق ولا خمسة
خلّي روحك عزيز شغل فيزا في الكونسيلا تاع فرونسا
قرّاتك الحياة واش ما قرّاتكش المدرسة
حبّيت تنجح لازم الباسي قاع يتفاسا
عيش انتيــك ، كــول لي اشبّــع
البس لي كسـّـي ، ما تسييش تبان و لاّ دير السوكسي
خاطرش طيح بيك ، تدور بالحفى
و تولّي منسي ، اي عقلية صعبة
في بلاد شكوبي – ما جيتش نسربي العقلية صاحبي ولاّ نبومبي عليك
ياك قاع نعرفو الكود ما كان لاه نديكوديك
خدّاع ، مي الوداع ما طّب غير فيك
تريكولي بزوج ، تافونسي بوحدة
بلت في الرمل ، عقلية وحدة
خلوي في القعدة راسي ينمّل
مصاغر عشرين سنة بدات تهبل
اشطح و طبّل ، لاس لو غافل
اغسل الحي كي الميت تعفّن
كي تطبّع ما تنساش تزيّت المكفّن
يا الزح كل ما نكتب نميل للدولة
ما جاتش بيدي ، افهمني
appelé ما ني وليد مقلة ماني
نموت اليكرتوشوك مكابلي و ما نجوّزش لارمي
تعباز عبّز ، أنا نسوق حياتي بلا عرف ما نسحقش تجيبلي البيرمي
نرابي للصباح مدام لي قباح في وذنهم ما زالت تسمعني
ouf ! tout p-sse ! ma mère avant tout
نوشمها في دماغي ماشي في لحمي
عمّي ، خالي مو ، حنا بزّاف من لي يطلّو من الطاڨة مشي من التاقة
مشي النقطة لي تفرقني بين وليد البلاد و الكعبة
مي كومام كتر النّش ، الراجل ما ولاّش يتورّى بالصبع
ما دام ما يهدرش في الغيب و في الحاضر ما يخمجش
نستعرف بلّي يعرف ، لي عندو الصرف و يصرّف
لي يشرّف لي يوقف ، لي رافد وليد حومتو ما خلاّهش يلقّف
قف | توقّف | وثائق السيارة من فضلك
قوالب حادة حفاو ربّي يزيد فضلك
مشي أنا لي حصّلتك ولاّ لبّستلك الكومبا
الشعب فيكتيم مسكين بزّأف مصاغر راهي تضرب بالسوبا
مشي كل يوم العيد مشي كل يوم نتسالمو
لي دّاه ربي في هاذا الزمان حبّو
ما تستشفاش في لي طاحوا مازال ما ناضوا
ما تنساش خو واش كانوا
ما تخافش أنا ما نسيتش ، أنا زدت قبل ما تدور
نتا برك ما شفيتش
كي تنوض تستقهو أنا هذا واين تعشّيت
ما تقوّتنيش معيشة النهار أنا نعيش الليل
حنا ما نضحكوش عالقليل نديروه عبرة
على بيها تم تم الجرح يبرى
و لحياة هذي عندي 23 غرزة
قَطّر الدموع الرجال لي ريحتهم قاسحة
لي كلمتهم كي الموس الماضي قاطعة
لي تشم الورد بلا ما تقيس شوكها
كيفاش تغيبهالي غير فوتها

[اللازمة]
ماشي كل اليوم العيد ماشي كل يوم نتسالمو
كل ما نقول نسيت كاين الصغار لي يتفكرو
“ولاد بلادي قالوها”
“كرهنا اليوم”

[المقطع الثاني : أوستيل]
شريكي ما تبدّلش الطريق إذا ما عرفتش تمشي قبالة
الدنيا بالدّالة ، مشي اليوم العيد ولاّ غدوة رايحة تتبدّل الحالة
ديرها شغل مسيد ، إذا مونكيتش شغل ما جيتش
c-sse pipe حكّأمنا même si
راب كلاس تاع الطريق
ما نغنّوش سبيد ولاّ على سومبل تاع جيمي هندريك
instrumental à la mobb deep
الحبيب عندي ذيب نزعف بزّاف و نكتّر من التكياف
ما نحبّش السانة ، تسمعني ملبعيد نقرّبلك لوذنيك
أغنية شوك الكتروشوك شغل فيلم آه
fond شكون قال معيشتنا ما عندهاش
هنا في الليل تخلاص عليك 5 كانيطات راجون toute façon
p-sse-temps تعيا و تصبّر كشما تلقى
a la fin c’est kif kif لهيك ولاّ هنا ،
تعمّر بسّيف ، تعوم في سحابة
ما عقلوش السيادة ، كتروا علينا النّش
صوتك ما يسمّعش و اسمك ولّى مهمّش
la déroute و مبعّد تديقوتي ، تقيس
la route تبدّل
عمبالك ما لقيتش الزهر كيما وحد اخرين اه ؟
قلبك ميّت ، ما راحلكش في الزين تاع حياتك
الماضي يفيدك ، فيه لهنا حط راسك عالوسادة
عييت ملّيت خو و الحالة دايمة
ما قُلت والو ، ما سمعت والو ، أخطو راسي
ياك من البكري ديتو بلاصتي ، حبّس ما تشاتي وشوف قبالة
ياك الدنيا بالدّالة ، مدّولك ما مدّولكش فهموها ليفاتوا عليك و لي كلاو قبلك
لازم نعاود القسمة ، تمد لحياتك قيمة
كاين ناس لي تبوسيك و كاين لي يكوبيونا
قليل لي يحبلك ، أرواح هنا و اضرب دورة صاحبي تذوق لمرارة
أخطيك من الفو ، تبّع الفري داخل التيران ولاّ مور البارا
هنا الصغار ما تنساش كي يكون جديد تسمعوا في الاقوال
ما تنساش السكرة تنسّي
كي نتفكّر بيها نكسّر القرعة و نوشّم بيها اسمي

أوستيل – تشيسطا – فريكونس

“الفرح رابو…فوق الزوالي”
“حنايا ولاد السبوعة حبّو يرجعونا مقانن”
“كاجة تاع قوانن”
“نبكي على النيف لي رخّسني في هاذ البلاد”

[اللازمة]

- freekence lyrics

Random Song Lyrics :

Popular