a b c d e f g h i j k l m n o p q r s t u v w x y z 0 1 2 3 4 5 6 7 8 9 #

explanations - foulan lyrics

الحكاية بدات بالضبط بعد ١٤ جانفي ٢٠١١
الفترة إللي عشنا فيها الفوضى بعد الثورة
شفنا فيها بعينينا
ناس تسرق و تحرق
ناس تنهب و تغور
و ناس إختارت الهجة مالبلاد ركبت في شقف و شقت لبحور
ناس مالزطلة دخلت كيلوات تبيع في الجوانات
و برشى مرابيط مالدبو هربت و برشى بنات بالقوة أغتصبت
هذا حال الإنسان إللي كان مقيد بالقيود
لما لقى شويا هواء مالحرية تسيب كالعجل المكبوت
كي سألت هذا الكل علاش
سمعت أعمل أش تحب الحاكم في البلاد مفماش

في اللحظة هذيكا ريوس كبار متخبين و للعين مهمش ضاهرين
إستغلوا الإنفلات و دخلوا السلاح من الحدود للبلاد
وزعوه بين الشمال الغربي و الوسط الغربي
بالتحديد بين الكاف و القصرين
و بدات التحضيرات ، تدريبات مجموعات في معسكرات
و بقات هالتحضيرات حتى بعد إنتخابات أكتوبر ٢٠١١
إللي تواصل معاها الإنفلات و بقى السلاح بسهولة للبلاد إفوت
أكثر من عام و المجموعات تمارس في التدريبات في السر حد بيهم ما فاق
و لما وصلت عليهم معلومات
النهضة كذبت و ما صدقت و حبت على الإثباتات
العباد فيها شكت و قالوا إنها عليهم غطات
الإثباتات جات في ديسمبر ٢٠١٢
بعملية مقصودة إستدراج ضابط بالحرس
و إغتيالوا في جبل بوشبكة على الحدود الجزائرية
و الغاية منها هو إثبات وجود هالمجموعات لجلب الجنود و الأمنيين
و نجح تخطيط هالإصطياد
بعد ما دشنت قوات الأمن و الجيش
جبل الشعانبي للتمشيط
أما بعد ما فات الفوت
أما بعد ما فات الفوت

بعد ما سيي المجموعات كملت ستاج التدريبات سلامات
و بدات في إختبار المجهودات و التغيير في العمليات في شكل إغتيالات
أولها كانت في العاصمة ٦ فيفري ٢٠١٣
إغتيال شكري بلعيد لكن علاش هو بالتحديد
و علاش بالضبط بعد ما تهجم على النهضاويين
et après
٢٥ جويلية ٢٠١٣
إغتيال الحاج محمد البراهمي
بالضبط بعد ما حكى صحبي عتيق على إستباحة الشرعية
شوف إستغلال الوضعية ، سياسة فيها برشى خباثة
كلمة ببهامة تكلفلك غالية و ترجع عليك يا عتيق
المقصود ،
إنو العمليتين كانت فيهم الحكاية مجبودة من شعرها
مخدومة باش الشكوك الكل تجي في النهضاوية
و الشي وضاح لما تطورت الجرائم الإغتيالية لقضية سياسية
شوف الدنائة إستغلال أمور إنسانية لمصالح شخصية
لهنا ضربوا على الشعب و كان هو الضحية
حبوا إروكم منقسمين متعاركين مضاربين
و بيكم إوصلوا لبلاد لفوضى شعبية
لولا ألطاف الله راو صار لحبو عليه
لما هبطت ناس للشارع و طالبت بإسقاط الحكومة النهضاوية
و ناس دافعت عالشرعية
لكن بتحضر التونسيين هالفخ تجاوزناه
و الحمد لله
أنا مانيش ندافع على حتى حد
جيست نحبك تعرف إنو تونس قاعدة تلعب بيها أيادي خفية متاع ناس صحاح
قالولك أطراف خارجية
أطراف خارجية
و أنا نقلك إنو فما برشى أطراف داخلية
من بينها رجال أعمال ، جمعيات ، أحزاب سياسية
و قوات أمنية و عسكرية في هالبلاد قاعدة تبيع و تخون
هوما شكون بطبيعة الحال قيد عالمجهول
مادام كي تسأل على تفسير للشي إللي قاعد إصير من وزارة الداخلية ما تسمع كان التبرير
التحقيقات و الأبحاث هام قايمين،
et en fin
تعطيك أسامي متورطين فارين
صدقني مكش باش تعرف حتى شي
مادام فما شكون ياخو في الرشوة بالمليون
و الفلوس إللي قاعدة إدور سكرت لفام و عمات العيون
و ليخدم بضمير إحب يكشف لحقيقة توصلو تهديدات إبعد سيب عليك لتموت
شكري بلعيد راح
الحاج محمد البراهمي راح
و فراقهم الإثنين خلى في القلب برشى أحزان
و الشيء لغيض إنو حقهم لليوم بالكامل ما بان
في كلمتين قالوا إنو لقتلهم هو القضقاضي
إللي من بعد قتلوه في رواد
و علاش ما تشدشي حي
بالطبيعة مات باش إموت بسرو ما يحكيش على شكون وراه
هذا إذ كان مات بصحيح
و من هنا نحب نسأل
كيفاش القضقاضي من الشعانبي وصل للعاصمة
و من العاصمة رجع لشعانبي و هو ريشارشي
هاذي تساءلات من برشى
questionett
بطبيعة الحال ليوم الممات متلقاش ليها حتى إجابات
على خاطر الداخلية في تونس تخدم فيها برشى أوغاد
برشى أوغاد
برشى أوغاد
شوف قداش مجرمين تشدوا و في يومين تسيبوا
على خاطرهم الذراع ليمين ، صناديق نوار تكوذري عليه ريوس كبار
هذاك علاش في هالبلاد مكتوبلك باش تبقى تشوف كان بعينيك و تسمع بوذنيك
أما باش تعرف لحقيقة هذا شي صعيب عليك
في تونس فما برشى أسرار و الحقيقة لغز مشفر
مع الأيامات تواصلت هالعمليات في الشعانبي من يوم ٢٩ أفريل
اليوم إللي دقت فيه ساعة معاناة الأمنيين و العسكريين
إنفجار أول لغم من الألغام هاي الكادوات إللي خلوهالكم الجماعات
و تواصل مسلسل هالألغام إللي ولات تتفلق حتى في الطرقات
شي إضحك
c’est pas normal
و معاه في كل مرة تشوف أمنيين مصابين
و عسكريين رجلاهم مقصوصين و عيناهم مفقوصين
و الناس في الشارع مستغربين
شي عمرو ما كان يتصور عالبال
أول مرة إصير في هالبلاد
و حد مالأحزاب ما تكلم كيما تكلموا في العمليات الإغتيالية
و إللي في السلطة من فوق لا حياة لمن تنادي
و كأن العباد حيوانات
معمبالهمش باللي قاعد إموت
معمبالهمش بقداش طاحت من ضحية
و قداش من واحد بقى من غير عين و من غير ساق
جيست تسمع على إللي إموت
إنهم شهداء الوطن ففرحوا أيها الجنود
فالسلطة التشريعية والتنفيذية سموكم شهداء
يا والله حوال في الحقيقة أنتم أكباش فداء
و لن يذكركم التاريخ فالتاريخ سيذكر إلا الأمراء و الزعماء
الموت تديهم أما إنت موش من حقك تنساهم
شوف إللي ماتو كلهم مزمرين رقباء عرفاء
حتى جنود متطوعين مسلموش
حطوهم فم المدفع و هوما لمعلقين شعارات قعدوا وراء لحيوط
متخبين إعدوا في سرفيسهم إنيكو في المليون و إروحوا لديارهم إنيكو النوم
هذا حال الظروف الزوالي هو ديما المحذوف
في ٢٩ جويلية ٢٠١٣ بالضبط في رمضان مع موعد الإفطار
ثمانية جنود ماتو مذبوحين إبكي يا عين على الراحلين
و المرزوقي أعلن الحداد ، ياخي الحداد باش إرجع إللي مات
قداش حشوات
ما تلعبهاش حزين الجمرة ما حاس بيها كان إللي عليها عافسين
شوف قداش من أم على وليدها بكت
و قداش من مرأة في راجلها ترزت
و قداش صغار تيتمت
من بعد هذا الكل بعد ما برشى عباد ماتت
بدات الجديات و بعثوا التعزيزات
تسمع صوت المدفع و الطيارات تقول خلات
مجرد سخفات ماذا تفعلون الجبال خالية من الجماعات
ناس تضيع في الذخيرة في الفارغ و في الهيلس
و العريض قالك إننا في حرب
باش باش تواجها الحرب بجنودك البواسل إللي مالخوف قتلوا زميلهم الوكيل بسبعة رصاصات
جنودك البواسل إللي لما صارت عملية إرهابية في دار وزير الداخلية مع نص الليل في القصرين
خرجوا كان يوم غدوة مع العشرة متاع الصباح بعد ما صبحوا و تكسلوا إمشطوا في الأجبال
ماذا تفعلون أيها المغفلون فالإرهابيون في ديارهم نائمون
الإرهابيون في تونس هوما مواطنين أعمارهم بين ١٨ و ٢٨ قاتلين مأجورين
حرب باش باش تواجهها
بأمنيين الشجعان إللي زميلو إنيك فيه الكرتوش و هو معمبلوش
قالك معندوش كرتوش و التعليمات ما جاتوش
أمنيين الشجعان إللي لما ضرب عليهم الإرهاب هربوا كالجرذان
عايشين بسيستام أخطى راسي و أضرب
أمنيين الشجعان إللي قتلوا أنس و أحلام
من غير حتى سبب نقصولهم في أعمارهم
و قضوا لهم على أحلامهم و بكوا ماليهم
كي سألت علاش سمعت ما وقفوش
كذاب حشا من يسمع و يصنت
بنات متحضرين مثقفين
علاش ما عملتوش مع الإرهاب كيما عملتوا مع أنس و أحلام
ولا خاطرهم بنات ريقتكم سالت كالكلاب
تفوه عالبولسية معروفة عليكم السيئات
هانا نشوفوا ليكم قطاع الطرقات
تمقصوا في السيارات واحد مخسلاف واحد شعرلاف
هانا نستنوا في نتيجة التحقيقات لماذا قتلت أنس و أحلام
اليوم في البلاد معادش تعرف شكون معاك و شكون ضدك
شكون الصادق و شكون الكذاب
شكون الشر و شكون الخير
عيشونا في متاهة دوامة حطونا في زنزانة عنوانها بالكبير هنا الجبانة
البلاد الروح فيها ولت كيف الذبانة ، إستنى في كل مرة شكون تجي عليه الدالة
يا ناس فيقوا لبلاد ولت كيف الوكالة بلاش بواب
الإرهاب فيها يحضر و يغيب و يضرب وقت ما إحب من غير ما يتشد
شي ما يعجبش النهار في تونس إللي ماشي خير ماللي جاي
الشعب التونسي مكتوبلو يما إعيش تحت الظلم و الطغيان و إلا إعيشوا خايفين من الإرهاب

enfin ،
تونس صعيب باش تصلح بعد اليوم
أوكي ، فولان ولد الناحية الأخرى

- foulan lyrics

Random Song Lyrics :

Popular