a b c d e f g h i j k l m n o p q r s t u v w x y z 0 1 2 3 4 5 6 7 8 9 #

3omrak 7set|عُمرك حسيت - flash28 lyrics

[المقطع الأول]
عمرك حسيت إن الدنيا زي البيت فيه الحزن والهموم الواح مرسومه بالزيت
و الأحلام مجرد شرخ نايم جوا الحيط و إن الدنيا مش هتكفي دموعك لو بكيت
و تتعب رجليك لما تلف و تدور و خلاص مش شايفه عنيك الضلمه من النور
و تقول لوحدي هقدر احطم الصخور و تبص تلاقي نفسك في أخر الطابور
مش شايف اي أمل ولا حتي من بعيد و تسأل إيه العمل و حيرتك تزيد
و لما تيجي تقول لنفسك هبدأ من جديد متلاقيش فالدنيا حاجه تخليك سعيد
و تطلب الزمان انو يرجع بيك ساعات و تقلب و تدور فالبوم الذكريات
و تلاقي مش فاضلك من الماضي غير شتات و ابتسامه … حسره تندم بيها ع اللي فات
مخك مليان افكار لكن قلبك فاضي تمشي خطوه لقدام تتكعبل فالماضي
و تقول امتى الفرحه تعدي من قصادي و حلم حياتك انك تكون عن نفسك راضي

[المقطع الثاني]
بتضحك كتير بتضحك رغم آلمك وهمك الكبير العايش جوا قلبك و تحس كانك عايش عشان تكفر ذنبك و تكتشف فالنهايه انك بتضحك علي نفسك
عزيمتك قويه و قلبك نضيف بس رافض تعترف انك انسان ضعيف
و انك شايل جوا قلبك اكبر احساس مخيف و لسه برضو بتضحك اصل دمك خفيف
انت ليه دايما مش فاهم انك انسان محدود محدش وحده يقدر يكسر السدود
حتي لو كان ساعتها اقوى واحد فالوجود لازم يرفع عينه لفوق و يقول ربنا موجود
ربك خلقك حر طاير زي الطيور و انت كتفت نفسك و اخترت تكون مغرور
افتكرت انك لوحدك هتقدر تبني القصور و في النهايه إيه انسان حزين مكسور
بتحاول دايما تهرب من احساسك بالخوف و تعلق كل حاجه علي شماعه الظروف
و حاسس ان اسمك في كتاب السعاده محذوف عشان عندك عنين بس انت رافض تشوف

[اللازمة]
بدل ما تقعد تبكي و تزعق و تقول حاول مره فحياتك تفكر فالحلول
لازم تغير نفسك مهو اصلو مش معقول تفضل عايش فالضلمه و فإيدك تعيش فالنور

- flash28 lyrics

Random Song Lyrics :

Popular