a b c d e f g h i j k l m n o p q r s t u v w x y z 0 1 2 3 4 5 6 7 8 9 #

meswadeh arsheef | مسودة أرشيف - emsallam مسلّم lyrics

[“كلمات امسلم “مسودة أرشيف]

[اقتباس من ام كلثوم – اغدا القالك]
انت يا جنة حبي واشتياقي وجنوني
انت يا قبلة روحي وانطلاقي وشجوني
انت يا جنة حبي واشتياقي وجنوني
انت يا قبلة روحي وانطلاقي وشجوني
غدا تشرق اضوائك في ليل عيوني
اه من فرحة أحلامي ومن خوف ظنوني
كم اناديك وفي لحني حنين ودعاء؟
يا رجائي انا كم عذبني طول الرجاء؟

ااه.. مسلم هديب…. مسودّة، أرشيف

[المقطع الأول]
بتوقع لما أرجع أسمع هالمقطع أستمتع
أصير أضحك من قلبي على قديش انا بمكاني مقلّع
راح أضلني أرمي بهدوء، علشان تسمع تستوعب تيقن تلسع
وتتطلع على حالك تحزن من ضعفك فإخضع
لأني فقط بكتب برمي بحفظ مسودّة أو بلغي
لقيت أسجل ما لقيتش عادي لانه إذا بكتب بكفي
ما بدي ثورة بموسيقى، لانه المغنى لو برجع وطن
كان عبد الحليم حررنا بخلي السلاح صاحي من زمن، عنـ
جد الفن ينبع من مرحاض , وبساطة هالنص إستعراض
إذا كل شي بتملكه إنت أشياء، انا بملك فقط أغراض
بس قلم وورقة حق الاستديو كل مرة إله قصة
زي الف ليلة وليلة وخبصة خد مع كل حرف هون غصة
هااا، وإذا بتسأل مين الافضل؟
أنا مش الافضل لكن كبريائي أجمل
من أي رسالة قد تحمل بين النص الشكل الأمثل
للحب العذري عند أنثى لما تحب رجل أرمل
لأنه الراب مش فن أداء كلامي الراب عندي كونشيرتو
لساني أعظم آلة موسيقية بوقته
مفش بحر عروضي وانا عم بلقي ما جففته
لساني مش وسخ لاني سمعت الكلام وغسلته
أحبال صوتي فل كورت بس ناقص منهم تشيلو
المايسترو تايه جواتي أنا بقلمي بدله
ومرات بزعل بذلّه، مرات بزعل بذلّه
مرات بغضب من ظله برجع براضيه وبقله
كل ما أمسك القلم ببلش أخربش
حتى أعرف إنّه صالح للكتابة وابدا أنبش
بين الخطوط المكسرة على خط صغير أفتّش
بطرافه على اي فكرة اقدر أغزل منها كلمة
تعطي وجعي حقه لانه صوت الطرق براسي هيو
والحاكمين علي إني أضل أعاني بين اغاني
الواقع وجنون الحاني وكلام متناثر على إيقاعي
وكل كلامي واقعي نابع ومرتبط بشخصي
بإنّ من حزني لانه بعطي الي زيي زي بيخفي فراغ تغّلب على جزء مني
قدام عالم ما بتستاهل إني أبتسم فإفهم
طول عمري مني بتعلم وأشكالك بهضم
أنا ماضيّي ملهم فبنفسي بجرم
ولو الحق عليك بضل بحالي أظلم
مهو كلشي ممتد عمد البصر ما بشدني
مدام المادة بتحجز حيّز بالفراغ بقول…

[اللازمة] (x3)
إحنا خطائين، من أول ما إنجبلنا بطين
مفش وطن بس في حنين
مفشِ صوت….بس في انين

[المقطع الثاني]
كم مرة مرت روحي جنبي
حت تقولي إنها لسة بدها إياني وانا كان عاميني
عملي المضني يعني كل ما أحس إني قدرت أكثر من إنجازي
بنعزل وبنكِره
فبكره روحي وبكرهُـه، بعديها برتدي سماعة أذني وبنعمي
عن كل شي إلي بدي أختفي
فبطرد روحي برة ,بترجع وبتنعاد الكرّة
بضطّر أعيد نفس الحكي حت أكمل الدورة وبرجع
بصيغ بقلمي ضعفي وبكتب، فبـيقوا لساني
بشوف الماضي بغمض بهرب ,بداوي عيوني
وإنت بدك مني أوقف أبطل أغني عني
وأهتم بثورات مفروضة علينا وكل هاض عشاني
ما كل الناس مْـشَـعْـتـَلـِه لكني برفض أنشهر
عل حساب ضعف وعجز الاخر فإبعد وإختصر
أخ، كل الموجود قدامي محطم
وانا الوحيد الي أسلوبه كل يوم عم بيتعمم
بصفن بفكر ببرد بقشعر ببدا اوزع قوافي وأرتب
بسمع انين طفل مسجون جواتي بيبكي عوضعي فمنه بتعجب
عمرة ما بيهدا كل مالي عم بقوا وهو نايم بقفصه المقرف
باكل ولما أشبع ببشع فبتطر أرجع اتفكر حت أعرف
عن شو هو مضرب شو بمسلم مش راكب بدي أستوعب
بعرف طول عمري منكم هارب، أقرب للراهب
صايم عن كلشي عندكم مطروح نفسي أفطر لكن غير مسموح
راكع نفسي أسلم وأخلص لانه مفش الي متـنفس معروض
مش حاسس بخشوع، تحكيش عني أي كلمه بتدايق
لاني مش رايق شعري بسيط بنفس الوقت سليط عالسامع
انا كالمدفع برد وبدفع الأخطار المحوطة الفن هون
عشان يرجع لانه الفن البديل دخيل عل الكون
عبادتي بتخصني لحلاي أحلامي وأمالي مخدوشة بواقع رماني
بوادي عزلني نفاني خلاني أعاني وأنادي وأعذب بحالي كإني
بقطع أوصالي بكلامي لاكني بحاول اوصل مراري بلساني
وادوقك لعابي وعيبي بفكر بفني مع اني بسيط

[اللازمة] (x3)
إحنا خطائين، من أول ما إنجبلنا بطين
مفش وطن بس في حنين
مفشِ صوت….بس في انين

[المقطع الثالث]
كل كلمه هون مش فارقة بقله كمل وإسمع
بقلي روح مش فارقة بقله شويه تمتع
مش فارقة بقوله نتفة طيب
بقول مش فارقة خايف علـ تراثه الشرقي ينضب
مسلم بمكانه تاركة بلكي بكرة أجاه
واحد وأقنعه بإنه الاشي الـ عندة مغالاه
بالتمسك بالقديم كل شي تاني هون رجيم
لانه الـ بصير، منتقص لأحكام وعرف الدين
انا مع مين، لكون معمي من سنين ,والكل
شايف إني عم بخبص، بحالي هون بذل
أسف، لاني فيوم ضربت مدرس
مع ذلك مش زعلان لاني بضربه كنت أتنفس
عشان أعبر، ما انا الوحيد الـي بيكتب
بصفة انا الوحيد الي بيرسم بقلبه
أنا الوحيد الي بشوف الكلمة منبع
لاني انا للفن فبلدي جندي هون فإخضع
لأني
بشوف مدرستي بزعل لانها كالمعتقل
للطفل الي المفروض بـبـيـتـه يحتفل
لما يروح عليها لانها بتحوي التخلف بين بدل معلميها
أه برجع بكمل
انا مش موسيقي، عالاغلب بس قميء
أسلوب غناي رقيق مدروس بروح فريق
أنا طوق نجاه رديء، لكن عالتايتنك
انا رسام علـ كيفي، وفاهم الاسـتـاتـيك
الثورة بالعناوين فقط، مثال بنك عودة
الراب مش سلعة لكن لازم يحتوي الجودة
زيو زي الخبز، زيو زي الكس
زيو زي بناء عروضي بأي قصيدة فــ
ما تسمنيش مناضل عشان بديش الدعم
ما تسمعنيش فتاوى عشان لحالي انلام
ما تنعتنيش بالجاهل وإنت مرتوي إعلام
ما تحطني عندك لاجئ وتشحد من إبن العم
ما تطلب مني أثور عشان بديش الدم
ما تطالب بالحرية بإضراب عن الطعام
الصورة البعيدة أشمل من جعجعات بالفم
من خطوط أخبار صغيرة على اي قناه بتذم
ما تصنع من ظروفي بطل رواية وحلم
وما تنكرلي وجودي، لاني أسمعت الصم
فقط أعطيني حقي وخليني بقبري أنام
والله الهواء حميم، لكن التراب أحم
كل أيامي هون حم، وبالعرق عم بتحمـ|ـمم
كمن لم يمــلك ماءً، قم
وجيبلي مي لاني، عطشت وانا بغني
المي جوة الدكان وانا طفران وهيني
بدوّر على أي واحد عبابه ماء سبيل
طريقي طويل والطفر إلي خليل
القوة ما بتبين إلا عالطفران المعدم
لكن الحرامي ببيته قاعد والسلاح لا يستخدم
إلا ضد الشعب، إلا ضد الشغب
إلا عالـبطالب قدام الديوان فإنضرب
نفسي أسدق أي إشي لمرة ومش حعيد
مقعدش بعيادة على كرسي دعم يو أس أيد …

[اللازمة] (x3)
إحنا خطائين، من أول ما إنجبلنا بطين
مفش وطن بس في حنين
مفشِ صوت….بس في انين

- emsallam مسلّم lyrics

Random Song Lyrics :

Popular