mesh zay ele 7aso | مش زي اللي حاسه - el joker lyrics
[المقطع الأول]
مش عاجباني أحوالك الفترة الأخيرة
عصبي، ودماغك شاردة
وبتسرح في السما، وتفكر في الماضي
هو إحنا في سن الكلام ده؟
سيينا إيه للتلامذة؟
ياسطى، شكلك إيه لو اتشافت
هو إحنا مش قفلنا الملف
المفروض إن الحمل يبقى خف
المفروض إنك أقوى من كده
المفروض إنك أقوى من كده
المفروض إن في سنك العقل اللي بيحكم، القلب بيضخ
مش وظيفة القلب يبقى عنده مشكلة
خصوصا لو العقل إتجاهلها
متقعدش تعيد في ترتيبها
دي مش حدوتة بنكتبها
اللي ظاهر للكل من الدنيا غير غيبها
ولا نفس عارفة مناسبها
[اللازمة]
أنا مش زي اللي حاسه من فترة؛ فا صعب أقول إيه جوايا
مش كل الأشباح اللي بتيجي بتخوف ومبتظهرش في مرايا
لو قولت إنه فارق معايا، هيقولوا مش راضي بالحاجة اللي معايا
لو قولت إني عايز أسألها عن سر النهاية، هيقولوا دي بداية
أنا مش زي اللي حاسه من فترة؛ فا صعب أقول إيه جوايا
مش كل الأشباح اللي بتيجي بتخوف ومبتظهرش في مرايا
لو قولت إنه فارق معايا، هيقولوا مش راضي بالحاجة اللي معايا
لو قولت إني عايز أسألها عن سر النهاية، هيقولوا دي بداية
[المقطع الثاني]
أكيد ده وجع التساؤل
أظن إني في حاجة لمبرر منطقي
أفهم قصتنا بأبعادها
أقله تديني حدوتة تتحكي
مش بلومك، مفيش سيناريو يتنكر
إديني مبرر يتكتب
أنا كاتب مش ساحر بنجم
لو حد مش راضي عن حاجة بيشتكي
لو حد مش راضي عن حاجة بيقولها
مفيش حد أما يحلم بحاجة بينولها
أي إتنين بعد فترة بيفوقوا
بس دايما في حتة في النص يروحولها
الحاجة بتتاخد بعمومها
وزي ما بياخدوا من الحاجة بيدولها
ولا حاجة كاملة في عالمنا
حقيقة نضجنا كفاية لقبولها
[اللازمة]
أنا مش زي اللي حاسه من فترة؛ فا صعب أقول إيه جوايا
مش كل الأشباح اللي بتيجي بتخوف ومبتظهرش في مرايا
لو قولت إنه فارق معايا، هيقولوا مش راضي بالحاجة اللي معايا
لو قولت إني عايز أسألها عن سر النهاية، هيقولوا دي بداية
أنا مش زي اللي حاسه من فترة؛ فا صعب أقول إيه جوايا
مش كل الأشباح اللي بتيجي بتخوف ومبتظهرش في مرايا
لو قولت إنه فارق معايا، هيقولوا مش راضي بالحاجة اللي معايا
لو قولت إني عايز أسألها عن سر النهاية، هيقولوا دي بداية
Random Song Lyrics :
- amar shopnogulo - agun lyrics
- i like it - diamond hits lyrics
- just girly things (feat. kalin and myles) - dawin lyrics
- all year - downtown dion lyrics
- 동반자 - 사운드 팩토리 lyrics
- 당돌한여자 - 사운드 팩토리 lyrics
- catch flight - kodak black lyrics
- me japanese boy, i love you - 연진 yeongene lyrics
- the suburbs of exile - nicolas ker lyrics
- hold on to me - elevation worship lyrics