el harf - el joker lyrics
لكل حرف معنى اذا جمعنا لغة الضاد
يصعب عليا اشوفكوا كل حروفكم اعتباط
سبت الشعر ليهم جيت بفكر شعري ليكوا
لاجل ما اضيف العمق يصير بديل لسطحية اغانيكوا
تسع سنين ورقة وقلم زهق مبزهقش
شفت فى وسطكوا جهل ضعف قلمكوا فى لغتى خدش
فارابكوا ليه مشافش نور عشان ميستحقش
كفنان عن الفان فى غير مايك مفرقتش
الفكرة مش موهبة الفكرة ان انتوا كده
الفكرة فى انه مش بحار فى البحر بدون مركبه
اليه يه والألف ألف لو الترتيب بيختلف
فالمختلف صاحب تيار لكن الشبيه بينجرف
تقاطع الشعر مع الفلسفة على بيتاتكوا ده انا
بينكوا ورافض تصنيفكوا مده طالت عن السنة
وسبت الومضة فى تفسيرات كلماتى الغامضة
تفسير البار التانى فى كورس انا اهانة صامتة
هتفوت سنين ويفسرولى جمل مبتتفهمش
زى ما بعد سنين فكوا كل لغز سابه دافنشي
عزيزي السطحى سيب فلسفتى روح لسطوره الناعمة
سطوري الجارحة أعلى من استيعاب جمهوره الاعمى
عاتبت ورقتى كرمشتها ونسيت فلسفتى
شفت بأم عيني ناس هدفها أدفن رسالتى
السفسطائى اتلقبت فى انطوائى ساعتها اخترت
ناقشت الفكرة كفرتونى مع انى لما عطشت
شربت الكفر فترة لكن مستحلتش طعمه
التفسيرات الناقصة سخرها الالحاد لطاعته
عاشرت القوم بس يوم ما تفسيراتى اكتملت
روحى شدت نفسي نفس النفس عليهم اتقلبت
و بعد سابع مقالة جت فكرة الاستقالة
فقفلت مدوناتى بعد نتيجة مش بطالة
يدق تانى الشعر بابي قلت انا موجود
لقيت الحانكوا بتنده قرب اكتر للجمهور
سابقت الزمن لكن لكل تعب تمن
و كفاية تعيش سطور حتى وصاحبها فى حضن الكفن
فاسألنى ليه رفضت اتصنف منكوا مش بتعالى
مجموع اوائل الحروف فى اللى فات اجابة
” عشان شاعر وفيلسوف”
هتفوت سنين ويفسرولى جمل مبتتفهمش
زى ما بعد سنين فكوا كل لغز سابه دافنشي
عزيزي السطحى سيب فلسفتى روح لسطوره الناعمة
سطوري الجارحة أعلى من استيعاب جمهوره الاعمى
Random Song Lyrics :
- na tacę - trzy-sześć lyrics
- storyheller - the black bear lyrics
- пoкoйник - guero lyrics
- love her - the redwalls lyrics
- freestyle - g-unit lyrics
- where u goin - waju lyrics
- la vida es sueño - gothica lyrics
- dear queen s (isly) - monsterboy va lyrics
- song for the death of parents - the music tapes lyrics
- dive - lexy panterra lyrics