a b c d e f g h i j k l m n o p q r s t u v w x y z 0 1 2 3 4 5 6 7 8 9 #

rais lebled - el général الجنرال lyrics

رئيس البلاد هاني اليوم نحكي معاك
باسمي وباسم الشعب والكل اللي عايش في العذاب
٢٠١١ مازال فمّ شكون يموت بالجوع
يحبّ يخدم بش يعيش لكن صوته موش مسموع
اهبط للشارع وشوف العباد ولَّات وحوش
شوف الحاكم بالماتراك تاكاتاك ما على بالهُش
مادام ما فمّا حدّ باش يقول لُه كلمة لأ
حتّى القانون اللي في الدستور نفّخو واٌشرب ماء
كل نهار نسمع قضية ركبوهاله بالسيف
بورتان الحاكم يعرف اللي هو عبد نظيف
نشوف في اللّحناش تضرب النساء المتحجّبين
زعمة ترضاها لبنتك؟ عارف كلامي يبكي العين
عارف ما دامك بو ما ترضاش الشرّ لصغارك
آلور هذا ميساج عبارة واحد من صغارك
يحكي معك من السوفرانس احنا عايشين كالكلاب
شطر الشعب عايشين الذل وذاقو من كأس العذاب

chorus (x2)
رئيس البلاد شعبك مات برشة عباد من الزبلة اكلات
هاك تشوف آش قاعد صاير في البلاد
مآسي بارتو وناس ما لقاتش وين تبات
هاني نحكي باسم الشعب اللي تظلمو واللي ندسّو بالصباط

رئيس البلاد قلتلي احكي من غير خوف
هاني حكيت ولكن نعرف اللي نهايتي كانت الكفوف
نشوف في برشة ظلم هاذاكا علاش اخترت الكلام
بورتان وصاوني برشة عباد اللي نهايتي تكون الاعدام
لكن إلى متى التونسي عايش في الأوهام؟
وينها حريّة التعبير؟ رايت منها كان الكلام
سُمِّيتو تونس بالخضراء رئيس البلاد هاك تشوف
اليوم البلاد ولّات صحراء مقسومة على زوز الطروف
سرقات بالمكشوف بالغورة ملكو البلاد
من غيرما نسمّي انت تعرف شكونهم هالعباد
برشة فلوس كانت ماشية مشاريع وانجازات
مدارس ومصحّات بنايات و تعديلات
لكن اولاد الكلاب بفلوس الشعب عبّاو الكروش
سرقو ونهبو وفكّوا وخطفو وفي الكراسي ما سيّبوش
نعرف اللي برشة كلام في قلب الشعب ما يوصلش
كان جا الوضع غير ظلم راني اليوم ما نتكلمش

أوكي صوت البلاد الجنرال ٢٠١١
نفس الحال نفس المشاكل و السوفرانس
رئيس البلاد… رئيس البلاد
رئيس البلاد

- el general الجنرال lyrics

Random Song Lyrics :

Popular