a b c d e f g h i j k l m n o p q r s t u v w x y z 0 1 2 3 4 5 6 7 8 9 #

nas | ناس - el dakhlowya lyrics

[اللازمة]
ناس ناس ناس ناس
ناس ناس ناس
ناس ناس ناس
ناس ناس ناس
ما بيفهموش ما يعذروش ما هما ناس
ما بيرحموش ما يقدروش ده طبع الناس
(فيلو، فيلو، فيلو)

[المقطع الأول]
مالك ومال الناس ده لكل مشكلة حل
قالوا الشيطان وسواس على البشر بيدل
نحكي الحكاية من أولها، تسمعها مش هتمل
نحكي الحكاية من أولها، تسمعها مش هتمل
صلي وسلم على الحبيب
هنحكي على راجل كسيب
بعد تسمع الحكاية ما تقولش موضوع عجيب
أنا شفت ناس بالشوم
تاكل الحقوق باليوم
ده أنا كنت شادد حيلي، كانوا الصحاب بالكوم
في الشدة لما وقعت ما في حد قالي قوم
وراجعلي تاني القرش، راجعة الكلاب بتحوم
وهنبدأ الحدوتة، إسمع وصحي النوم
وهنبدأ الحدوتة، إسمع وصحي النوم
بدأت حكاية الجدع أول ما كبر أول ما فار عوده
خضر في وشه الشنب جمد نشف وكمان تخن صوته
أبوه عمله بطاقة في يوم قبل ميعاد موته
في الدنيا مين بيعيش يا ناس بمزاجه وشروطه
ده كل مين له حبيب في يوم حبيبه هيفوته
ده كل مين له حبيب في يوم حبيبه هيفوته
ده ورثله ١٠٠ فدان
والورث مش مجان
لازماً فلوس علشان
تخلص الأوراق
لف ودار وإتهان
ده سندك اللي كان
إفتكره بالرحمن
لو كنت ليه مشتاق
ده وحيد مالوش إخوات
لا ولاد ولا حتى بنات
بس أمه كانت عايشة بتسنده بالدعوات
إستلم الـ ١٠٠ فدان، باعهم من أجل كاشات
وخد الفلوس وإختفى وصرفها على اللذات
حق أمه كان من بعده إزاي ما تسألوش
ماشية تدور في الشارع وسط الناس والوشوش
ودموعها كانت على عينها سايلين ما بينشافوش
ودموعها كانت على عينها سايلين ما بينشافوش
غاب قول كده ٦ شهور
إنسان خاين مغرور
نازله الدموع على الخد تغلي يا ناس وتفور
وأمه فقدت نظرها، هتعيش في الضلمة مش النور
أمه فقدت نظرها، هتعيش في الضلمة مش النور
[اللازمة]
ناس ناس ناس ناس
ناس ناس ناس
ناس ناس ناس
ناس ناس ناس
ما بيفهموش ما بيعذروش ما هما ناس
ما بيرحموش ما يقدروش ده طبع الناس

[المقطع الثاني]
ورجع لأمه وندمان من بعد ما غاب فترة طويلة
مشتاق لحضنك ياما ونفسي أنا أدخل بيت العيلة
أمه قالت هسامحه
إبني وهداوي جرحه
بطبطب ع الخدود علشان تفتكر ملامحه
وإديتله صاغتها يبيعها، قالتله المصلحة إسمع مني
فرحتي لما أفرح بيك من بعد ما نظري خلاص راح مني
هاتلك عربية تجيبلك رزق وسوق يا ضنايا متأني
بدعيلك صحة ومال راحة بال وتعيش متهني
وجابتله عروسة في عروسة يقول لا لا لا مش لازمني
وجابتله عروسة في عروسة يقول لا لا لا مش لازمني
شوفتوا اللي حصل يا أهل الله إتلم على الصحبة الضالة
دخان يشرخ في الصدر يكح الكل يقول له إسم الله
كتبوا له عرفي على بنية وقالت رابطة معاه مش حلة
قالوا مين يشهد في العقد وكله قال أنا ولا واحد جلى
تاني صحى كده من النوم لقى نفسه يا ناس فعلاً متجوز
راح شد الحرمة وراح ع البيت وراجع مخنوق ومبوز
قالها ياما إتجوزت، قالتله إزاي من غيري تتجوز
كانت فاكرة إبنها ده نضيف وما تعرفش إنه خلاص إتلوث
البت عاشت في دور الرقة وحبة حبة
وقالتله لا مش هتلمسني إكتبلي شقة
الأم بصرخة تقول ضنايا وإبنها بيقول لا لا كفاية
ياما دي مراتي بسببك متعاركة الليلة معايا
هتسيبي البيت الجميل وتروحي تعيشي في دار معايا
هتسيبي البيت الجميل وتروحي تعيشي في دار معايا
الأم بتكتم الدموع، الأم بتداري الألم
والإبن يقول يا ناس خلاص ده الحكم على الأم إتحكم
شد أمه لدار الرعاية وسابها في نص الطريق
قالها روحي وكفاية إنتي بتمشيلي بالبطيء
وساب أمه تكمل طريقها
مشي الجاحد ومضايقها
راح ع البيت وشاف مراته في سريره نايم عاشقها
جري ع العشيق هيغزه، قالتله أنا إديتله جسمي
إطلع برة البيت يا كلب دي الشقة إتكتب بإسمي
أصل إنت جوزي عرفي لكن ده جوزي رسمي
أصل إنت جوزي عرفي لكن ده جوزي رسمي
[موال]
مستحملاني
مستحملاني وبجرحك وتقولي تاني
مستحملاني، مستحملاني
مستحملاني ياما ومن غيرك بعاني
مستحملاني
مستحملاني وأنا فرحان وأنا غرقان في أحزاني
مستحملاني، مستحملاني
وإدعيلي ياما عند الحرم لما تطوفي
وإدعيلي ياما، أنا عينك لو مش بتشوفي

[الخاتمة]
شبح الكون والإمبراطور يعني الفيلو مع شاعر الغية
والتوني جن الجمهور لما غنالهم أغنية
كل سنة وإنتوا طيبين وعيد سعيد على البشرية
وأحلى شغل يا ناس هيطلع من الدخيلة والدخلاويه

- el dakhlowya lyrics

Random Song Lyrics :

Popular