a b c d e f g h i j k l m n o p q r s t u v w x y z 0 1 2 3 4 5 6 7 8 9 #

yom el jom'aa dayman atwal | يوم الجمعة دايماً أطول - dodix lyrics

[المقطع الأول]
قلي بشو متعلق، شان أقلك إنت مين
بهالحالة مليش وجود، لأني ما تعلقت بشي
في البيت بجو كئيب او في العاصمة بعمل ديل
صحيح بعطي ع سبونج بوب، بس شايف الكل بسيط
تزعجنيش، اناني وبخزي…
لطيف، مش لأنك بتستاهل لكن بدي ارضي نفسي
شوية تبسي وروحي بأنفي، مثبّط جنسي
بكل علاقة رحتها رجعت فاضي، التكسي
صافن بتطلع من شبّاك الباص… مشغّل جاز
أفكار بتلاطش زي كسم الجيران ف يوم اجازة؛
زي بدي أرحل لازم أو زي قراري الحازم
إنّي أترك أم الكاسة بنصينها الملان والنّاشف
متضايق شان مش عارف شو سبب ضياقي
حرفياً حايص من كل شي، حتّى ولادة جيت سباعي
باستمرار بلبس طوابق ما فش داعي للأواعي
وصدقني إجتماعي؛ صحبة وبحكي مع أشيائي…

[اللازمة]
حلمي وردي زي البترا
ادعي يخلص هالنهار ع خير
يوم الجمعة دايماً أطول
عيونك غلط حصتي خود القطرة
وييك اند غريبة فش فيي حيل
يوم الجمعة دايماً أطول

[المقطع الثاني]
مغصوب أضل موجود بيناتكم، يعني مش مبسوط
متأثر بتقسيم البلاد فعم بحط للكل حدود
اسمر مفروض بس بشوفهم بحكوا حمرا خدوده
القدر نازل فيي كفوف، إضرب كمان عاوز أتوب
أزعر خلوق، بلعبش شدّة حارق كل الكروت
ما بعمري كنت لحالي عندي كل شي، انا كل الcrew
f-ckin spook، بختفي لما أحسني مش مرغوب
يعني عيش لحالك، ولا تعاشر ناس يخزوك
رنا بتحكيلي إعقل، بلاش أحكي مع أبوك
قلتلها رنا أرجوك من الي فينا لازم يفوق
كنّست كل الذكرى، إنت الما جبتي مجرود
ما عمرك فزتي بخسارتي، بس هالمرة جد.. مبروك..
مهارتي عم تتلاشى… عم بتحاشى
أي نقطة اختلاف بيناتنا بس لأهرب من نقاشها
بعرف مش قصدها تمشيني بمزاجها، هاد احباطها
بتحب شب بجسدلها كل شي ما عدا الي في راسها

[المقطع الثالث]
بحكيلك الطفل بتعاقب شان ما يرد يعيد الغلطة
بعرضك؟ بس يكبر رح يطلع عرصا
رح يمرض زي باقي المرضى، وفرصة أكبر يبقى أخرى
ينقي أعطل ذكرى يضايق حاله فيها كل ما يسرح
البقاء للأتنح، الأصلب والأصلح راحوا بحرب
والي رجع منهم مات بجلطة
الدنيا دايرة واحنا بنعرف بس اكمن مقطع
خايف مشهد انتحاري يخرب، مين حيعيد اللقطة؟
الواقع بارد وبحرق، منثول أخو الهبلة
حكتلي انت غلطة بعد ما حكت بشتقلك
ع فكرة هاي مش صلعة.. انا مشلخهم شعرة شعرة
شعرة مع كل فكرة بتقنعني اغادر الكوكب
المكرسح بعاير أعرج.. والتسامح حطّوا في طيزك
شوف كم واحد بده نكشة مشان يحرد
الاهتمام بنطلبش، وإذا انطلب بخرب.. ليش إنطرم؟ بشرب
هيك انترك، بزحف… ورا الورق، وصلت؟

[اللازمة]
حلمي وردي زي البترا
ادعي يخلص هالنهار ع خير
يوم الجمعة دايماً أطول
عيونك غلط حصتي خود القطرة
وييك اند غريبة فش فيي حيل
يوم الجمعة دايماً أطول
حلمي وردي زي البترا
ادعي يخلص هالنهار ع خير
يوم الجمعة دايماً أطول
عيونك غلط حصتي خود القطرة
وييك اند غريبة فش فيي حيل
يوم الجمعة دايماً أطول

- dodix lyrics

Random Song Lyrics :

Popular