a b c d e f g h i j k l m n o p q r s t u v w x y z 0 1 2 3 4 5 6 7 8 9 #

konty | كنتي - db gad lyrics

[المقطع الأول]
وسط الأعصار والدوامة أنا دورت
حاولت كتير ألاقيكي وسط الناس الغلط
الناس الكدابة، إنتي كنتي الحب الحقيقي
بس في كتير ظروف خليتني إخترت
طريق ما كانش يؤدي ليكي
فنمت صحيت بعدين كفرت
بالحب من نظرة في عينيكي
سنين كنتي جنبي وأنا مش مهتم
مش فاهم إن إنتي النور
سرحان في الدنيا، كنت شايل الهم
والوقت بيبني بيننا سور
كنتي أوكسيجين بيجري في الدم
بس أنا اللي كنت مجبور
غطست في المياه بداري الألم
والنفس في الصدر محصور
[فاصل موسيقي]

[المقطع الثاني]
كنتي معايا في الجبهة، كنتي عسكري
كنتي الجندي المحارب
لما الدنيا كانت صعبة، جامدة مقفلة
كنتي الملاك وسط العقارب
كنت مربوط أنا بمية سلسلة
إنقذتي روحي وكنت هارب
كنتي طوق نجاة، كنتي متحملة
لما كان بيغرق القارب
بس للآسف العمر هو مرة مش بنعيده
نعمل إيه، فبنحمد ربنا
ولما القلب يبقى قاسي مش بيده
نعمل إيه، ماهو ده حظنا
لو كان يفرق مين يضره ومين يفيده
كنا نحافظ على الناس اللي تضمنا
بس الناس تحب الوجع فبتزيده
نعض اللي يحبنا ونحب اللي يعضنا

- db gad lyrics

Random Song Lyrics :

Popular