a b c d e f g h i j k l m n o p q r s t u v w x y z 0 1 2 3 4 5 6 7 8 9 #

e3dam mayet | إعدام ميت - darbaka band lyrics

[المقطع الأول: علي الشاعر]
عنيها جت في عينيا وقلبي بيتغى ويتدارى
عشان يخبي شوقه عنها ويمنع القواله
فضحتني أول نظرة لما لقتني نفسي أخدها
في حضني تحس بنبض قلبي وأستشعر وجودها
صوتها حرك جوايا قلب مات غرقان في دمه من
حب السنين اللي إتقتل ولسه ليه بحن
والحلم اللي مراودني إني أوصل ليكي
أخلصتي لكل الناس ودوستي على اللي كان شاريكي
إيدى في إيديكي من زمان وقولنا العمر بدأ
عشر سنين بتمنى حلم يوم ميلادي إتخلق
والعمر مني إتسرق والقلب عليكي إتحرق
ولسه ماسك قلمي وحبري بينزف على الورق
ضيق بحس بيه في كل مرة وإنتي السبب
حياتي ملكي ولا ملكك ولا تحت الطلب
قلمي إكتئب من كتر ما كتب
على اللي جوا مني جف حبره والإحساس إتسلب
بس مين السبب؟
هقولك إيه وأعيدلك إيه، ما كل شيء عرفاه
ده إنتي إبتسامتك بالنسبالي بتساوى الحياة
كلام كتير جوايا وهم وغم وألف آه، ياه
وكل دوة من مجرد بس لمسة
عارفك حبيبها بس لازم يا قلبي تنسى
خايف ترجع تحتاجني وبتلاقي إرادتي عاجزة
آخر مقابلة بينا كانت دبلة وفارقت إيدها
ومن ساعتها بقى حب قاتل، دي بدايتها
[المقطع الثاني: الجوكر]
طب ليه القصيدة ملت، حتى الإيد إتشلت
بكت السطور وألف سور يبعدها وعنها ما أبعد
شايف لكن بستعمى، بوطى وشايفني بعلى
بقلب صفحات الجرح وأقرأ في السطور النعمة
وده الكاس إسأليه، إمتى مسكت فيه، يقولك أنا اللي ليه
بعد ما قرب منك فبعدتيه
أنا اللي مسكت فيه لما قلبي إحتاج اللي ينسيه
إنه عاش لواحدة هدت فوقه كل اللي بيبنيه
والتانية عايشة ترضى، لسانها ما اللي ينطق
إن نبض قلبي في بعد الأولى يوم عن يوم بيبطء
في آخرها رد خيرها، سوء ظنون زرعها غيرها
تعلى الدماغ وأغيب أحسن ما أفوق أفضل فاكرها
فـ ليه تشيل في ذنبك، أسوء الظن فيها نتيجه غدرك وقلبك
نساكي إن اللي حبك لسه فاكرك، عندك إديني فرصة أحاسبك
إرتحتي بعد غرق حد كان للبر شدك
بالوجع حقن الفكر، كل سطر في صورة حبر
اللحن إتلطخ بالآهات، ما سلمش منه شبر
أرخص وغيري يغلى وأشوفلي منها إبنة
وأتاري الوهم كان المادة الخام لصناعة الدبلة
بلف في ساقية دور وأروي بدمي أرض بور
وأخرج من جروحي في النهاية بحبر على السطور
فالميت أهو إسألوه لحظة ما إنتو بتعدموه إحساسه إيه
إحساسي بعد منها تعرفوه

[المقطع الثالث: دوشة]
آه يا دنيا لما بتنسينا
بتلفي تلفي وبتيجي علنيا
ما اللي فيا من جراح حطيته فيكي
كنتي تملي معايا بس القلب كان ناسيكي
إزاي شاريكي، دايماً على الرف راميكي ومش مهتم بيكي
ولما موتي عيني نزفت بدل الدموع ده دم
بعدك حياتي شايفها سودة وغم، طب إيه اللي تم
حياتي وقفت على واحدة ماتت
نسيتها زمان فسابتني دلوقتي وفاتت
الدنيا واللي فيها أنا سيبهالك، إتهنى بيها
برضه أنا مش مرتاح وبطلب العفو والسماح
أنا إتظلمت فظلمت، حفرت لقلبى تربة
وعليه ردمت فكتمت سموم في عقلي، كنت في غربة
ما فوقتش منها غير لما فارقتي الدنيا، بعدتي عنها
خلاص يا قلبي مات زمانها، غلطة لازم تدفع تمنها
إشرب من البحر وقدف يمكن أمواجها تحن ليك وتحدف
أيام زمان لما كان الحب والحنان بيتسقيلك من أحلى إنسان
كفاية تأنيب ضمير، ما أديني عايش آسير
بدور مين معايا ملقيش مخلوق
أكيد ده ربي حاسس بيا فوق
وبعترف وأقول أنا ظلمت نفسي
معا إني كان نفسي ما تقسى عليا نفسي

- darbaka band lyrics

Random Song Lyrics :

Popular