citadella da fà - canta u populu corsu lyrics
à mezu à la rena di u disertu
nantu à una spianata è à l’apertu
mediteghjalu puru u gestu offertu
tù chì voli murà
a petra di l’avvene
citadella da fà
di speme per dumane
u nimicu circonda li to lochi
è ne vedi ogni tantu li so fochi
chì ti facenu a spia s’è tù ghjochi
tù chì voli pisà
la to casa di mane
ùn ti manca da fà
pè le strade suprane
chì tuttu hè scambiu è leia trà di noi
trà la guerra è la pace ch’è tù godi
è capiscimi avale s’è tù poi
tù chì voli sallà
l’amicizia di pane
cù lu snague à metà
di fraiata di cane
ti sente sopr’à l’osse a pelle macca
quand’ì tù stringhji li to pugni in stacca
l’ochji fissi nant’à la negra tacca
tù chì voli fighjà
u celu di dumane
è ci voli caccià
tutte l’idee vane
ma dorme ùn poi più, ùn dorme mai !
è rifletti à quesse le veritai
chì t’avvinghjeranu tantu oramai
tù chì voli crepà
tutte le forze arcane
quelle di l’aldi là
inseme à le terrane
Random Song Lyrics :
- éxodo - nach lyrics
- i bet my life (alex adair remix) - imagine dragons lyrics
- la última palabra - el santo & tosko lyrics
- up at the lake - the charlatans lyrics
- bájate - ezzem lyrics
- sayonara - đogani lyrics
- bande de moules - zoufris maracas lyrics
- amuleto protetor - wanessa camargo lyrics
- yvnghelle - kenn do it lyrics
- the alien within - miguel johnson lyrics