a b c d e f g h i j k l m n o p q r s t u v w x y z 0 1 2 3 4 5 6 7 8 9 #

zaman el kalam | زمن الكلام - cairokee lyrics

[المقطع الأول]
كل ما تيجي الفكرة تروح
كل ما بوصل لحتة بتوه
كل ما أشرب من كاس العلام
يتسرب من عقلي بقية الكلام
والوقت بيجري مني جامد
إنهاردة بقى إمبارح بقى كله سايح
سايح سارح في التلاهي
سارح في المسارح والمشهد هزالي
ما بقاش فيه فن يغذي الروح
ما بقاش فيه حد يخاطب عقلي
ما بقاش فيه حد يريح قلبي
قلبي بقى مليان
مليان جروح
كله فاضي
كله عادي
كله سارح في الملاهي
كله تافه وبيتباهى
كله عايش لنفسه أناني
كله ما لوش تفكير غير المشاهير
بأقل مجهود بدون تبرير كل شايف نفسه مدير
كله نفسه يبقى كبير على الفاضي
كله سراب كله تراب
كله نفسه يبقى كبير على الفاضي
كله سراب كله تراب
[اللازمة]
سلام سلام يا زمن الكلام
سلام سلام يا زمن الكلام
سلام سلام يا زمن الكلام
سلام سلام يا زمن الكلام

[المقطع الثاني]
ما بقيتش بطيق الناس
زي القروش بيشموا ريحة الدم
لو إنت طيب تنداس وأنا اللي بشيل الهم
التاريخ علمني إن الحياة بتلف في دايرة مقفولة
حتى الساعة اللي عقاربها واقعة ممكن تبقى لسه موقوتة
بس العقرب اللي سم جسمي سمه لسه موجود
عايش في صحرا واسعة كبيرة العلم فيها ما لوش وجود
كله فاهم كله شايف كله مغمض عينه ونايم
كله ماسك في حاجة وسايب سمها يجري فيه
بفرغ طاقتي السلبية زي الرصاص
ساعات بترد فيا، ساعات تضرب في أعز الناس
فأكتم فيا الأذية وتنفجر جوايا
كان نفسي تكوني ليا بس للأسف مفيش معايا
غير أفكار بسيطة سهلة وبإتنين جنيه إبتكار
والليلة فيه كابوس بيزورني في نفس الميعاد
بيعرض فيلم بطولته وفشلي كل يوم عمال يتعاد
ولما الشاشة بتسود بقرا قصيدة بتقول
هتصحى عجوز في جسم شاب
على ضل حلم على جبل عتاب
على عين ما شافتش غير إكتئاب
بيني وبين نفسي ميت ألف حساب
you might also like
[اللازمة]
سلام سلام يا زمن الكلام
سلام سلام يا زمن الكلام
سلام سلام يا زمن الكلام
سلام سلام يا زمن الكلام

[الخاتمة]
لو فاكر هتحاسبني فكر مرتين
إنت زيك زي إبني معلش إسمحلي أقولك كلمتين
واحد، ما تحاولش تقيمني كتير عشان ما تتعبش
إتنين، عمرك ما تقارن نجاحي بنجاح هابط فاسد جدره هش
فقبل ما تحاسبني بص لنفسك في المرايا
وإعرف إن سجني اللي جوة مخك مش هيفرق كتير معايا
وآخر نصيحة عندي هقولهالك
لو ليك نصيحة ليا أحسنلك تخليهالك

- cairokee lyrics

Random Song Lyrics :

Popular