a b c d e f g h i j k l m n o p q r s t u v w x y z 0 1 2 3 4 5 6 7 8 9 #

wallah ma aayez | والله ما عايز - cairokee lyrics

[مقطع]
والله ما عايز غير بيت
فيه واحدة الصبح بتفرد ضفايرها
وعيال بتقوم من النوم
تجري عليا من غير حتى ما تفتح عينها
والله ما عايز غير كوباية شاي
وبوسة حب ورضا بالحال
وجرايد اخبارها عال
وابتسامات الناس في الشارع
ترجع تاني زي زمان
وصباح الفل في وشك دايما
من عسكري مهموم تعبان
نفسه يسلم خدمة ويجري
يروح بيته ينام
من كمسري زهقان من الزحمة
من تاكسي في شارع غرقان
والله ما عايز الا تلاتة جنيه
تمن الدمغة وختم النسر
وكوباية شاي لموظف غلبان
والله ما عايز الا بطاقتي يا ناس
حتى ولو من غير عنوان
والله ما عايز غير الشغل
لا كلام يعني ولا حديت
ولا قالوا وقلنا
ولت وعجن وحواديت
ولا زر ونم وهيصة فاضية وتخبيط
قوم اقف وانت بتتكلم
ضحكة غش وتظبيط
والله ما عايز حد عبيط
والله ما ناقص تنطيط
والله ما عايز بعد الشغل
غير اني اروح
تعبان من الحر وبتطوح
والقى حبيبة قلبي بتضحك
ولا طراوة بيت بتاحدني ترد الروح
هم الدنيا في لحظة يروح
والقى عيالي بيجروا عليا
ويحضنوا فيا
ياخدوا الشنطة يقلبوا فيها
ياخدوا الحاجة الحلوة ويجروا
وبعد الضهر اقرا الجرنال
وانتِ يا اجمل شيء في الدنيا
واقفة بتكويلي القمصان
وتبصيلي وانا تعبان
والله ما عايز غير حضنك
واتغطى وانام

- cairokee lyrics

Random Song Lyrics :

Popular