a b c d e f g h i j k l m n o p q r s t u v w x y z 0 1 2 3 4 5 6 7 8 9 #

esset abl el noom / قصة قبل النوم - bu kolthoum بو كلثوم lyrics

كلمات أغنية قصة “قصة قبل النوم”

[اللازمة]
لالي علمنا . لالي لالا
لالي يا علمنا . لالي لالا
لالي لالا . لالي يا علمنا
لالي لالا . لالي يا علمنا

[المقطع الأول]
شنتايه قماش سحاب منزوع جينز و كم قميص
صوت القصف برا و صوات براسو (لن تبيد)
قد أقسمنا رغماً عنا هاهو المجد التليد
و ذو اللحى عالباب يصرخون (من حديد، من حديد)
كأنو امبارح بالمدرسه كانوا يحكوا حكايه
هون من نفس الكتاب عيد المشهد بس هلق عم يحكوا حكايتو
من برا خدودو حمر من جوا لحيه شايبه
عالمرايه عيونو عم تهز و البيت يرج مع كل طايشه
سريالية الموقف موت و كاسة شاي
و ذكرى سوده بيضا مع كل عضة حصرم عالتحاليه
يشحط كيسو درجه درجه .. الهوندايه بسفل المدخل
عاطي ضهرو للدرج بالغلط بجارو بيتدحكل
بدك ما تواخذني قديش صرلك هون ؟
خبر الجيران أني راجع و بإيدي تلفزيون
مليتوا مو ؟
عكلن بركي بلاقي حي يدفنا الحي يدفنا
رفش بالإيد أحسن من مية سلاح مو منا

[اللازمة]
لالي علمنا . لالي لالا
لالي يا علمنا . لالي لالا
لالي لالا . لالي يا علمنا
لالي لالا . لالي يا علمنا

[المقطع الثاني]
المدينه حلوه اليوم في عجقه بسوقهن
ولد وصل جديد لا تخاف ما عاد فيو حدا يشوفكن
لما ترجعوا عالحي لا تفكروا فاضي البلد
في رواح لسا عايشه عندها البلد اسم علم
حاجز العسكر أكبر من مية حاجز موت
هنيك ما في خوف لضجيج عجقتهن مافي صوت
فات عالبيت شايفو فاضي سكانو لسا غيه
يقول لرفيقو موقع أحسن حط سلاحك نستريح
أب الولاد ورا كتفو واقف بيتطلع فيه
“شد الكلب من لحيتو رفعو و قلو “حكي
و اللي معو جمد واقف شايف رفيقو بالهوا
أكيد الله صاخط باعت جنودو من السما
سكر كتاب التاريخ سميها قصة قبل النوم
فيها بلد و ولادو عاشوا سوا بعد الموت
ما فيكن تسمعوهن . غضبهن حنيه
كل يوم بصوت واحد يعيدولكن نفس الغنية
مطلعها…

[اللازمة]
لالي علمنا . لالي لالا
لالي يا علمنا . لالي لالا
لالي لالا . لالي يا علمنا
لالي لالا . لالي يا علمنا

- bu kolthoum بو كلثوم lyrics

Random Song Lyrics :

Popular